Ki yaigei Solomon koek tilyonut ak Pharaoh laitoryatap Misiri, ki itun cheptap Pharaoh ak komut konyo nganaseetap Daudi, kot kogees teekseetap koonnyi, kootap Kamuktaindet ne Toroor ak irimeet ne kiyiem Jerusalem.
Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.
Ki wo `laitoryat Gibeon kwo koeny tiseiywek eng' olooto, amu kitoroor yooto, ole oo; ki igoito Solomon kagoochinoik eliphuut che kibeelei eng' kaptisisyonooto.
Ak ki le Solomon, “Ki iyachi otwogindeng'ung' Daudi abba myeeindo ne oo, ko uu ye kiwendote taing'ung' eng' imanit, ak eng' imanda, ak eng' lititindap muguleldo eng' inyee; ak ki igonorchi ineendet myeini oo, amu ki igoochi ineendet weeriit kotebee ng'echerennyi ne po laitornatet, ko uu ra.
Ak nguno anyun, ee Kamuktaindet ne Toroor Kamuktaindennyu, ki iyai otwogindeng'ung' koek laitoryat kogeer Daudi abba, ago anee, kota ko aa lakweet ne ming'in; mangen ole amandoitoi ak ole among'undoi.
Igoochi anyun otwogindeng'ung' muguleldo ne tinyei kaguiyet si korwookyi piiguk, si kobiit abesyo ne myee ak ne ya; amu ng'oo anyun ne imuuchi korwookyi pororyoning'ung'et tagunoot?”
nguno anyun ko kaayai ko uu ng'olyoondeng'ung'. Kaagoonin muguleldo ne utaat ak kotinyei kaguiyet; ne ki tomo kobiitu age ne ogerge, ama kobiitu age ne ogerge eng' let.
Kigos anyun Solomon, ak konai kole kaagaa karwotitoet. Ki nyo Jerusalem, ak kotonon eng' taitap moinget ne po arorutyetap Kamuktaindet ne Toroor. Ki igoito kagoochinoik che kibeelei ak kagoochinoigap kaalyeet, ak koyachi igoorto otwogikyik tugul.
Ki ng'eet kemoi kween ak komut weeriinnyu eng' ye koami kota konuuchi otwogindeng'ung' ne chepto, ak komogonji tegeennyi, yeityo konde lakweennyi ne kagome tegeennyu.
Ki le anyun laitoryat: Mwaei ni kole, “Weeriinnyu ni sabei, ak weeriing'ung' ni kogome; koleen age, ‘Achicha! Kogome weeriing'ung', weeriinnyu ni sabei.’ ”
Ki ng'alaalji kwondo ne ki nenyi lakweet ne sabei, laitoryat, amu ki riir moo agobo weeriinnyi, kole, “Ee kiptaiyandennyu, igoochi ineendet lakwani sabei, amat ibar!” Ago ki le age, “Mabunjino, ama punjinin; pchei.”
Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.