A Salomo waa n lebga Ezipt naab rɛɛmba. A kẽe kãadem ne Ezipt dĩma bi-pugla, n tall-a n wa a Daviid na-tẽngẽ, n gũud a sẽn na n wa me na-yirã, n gũud wẽnd doogã la Zerizalɛɛm lal-gũbrã sã n me n baase.
A Salomo yam kẽe Naaba-Wẽnde. La woto a vɩɩnda wala a ba, a Daviid. Sã n ya ne maandã la wisdã, rẽ fãa ra ket n maanda kunkuba la tãmsa zutu la tɩɩsa sẽn gũmẽ.
T'a Salomo leoke: «Yãmb maana neer wʋsgo ne m ba, a Daviid. Yẽ me modgame n kẽn yãmb taoore, ne pʋ-peelem, ne zemsgo, ne sũ-tɩrga. Yãmb nonglem ka zãag ne-a ye, la y sõngame t'a biig a ye dʋ a naam zaoore.
A Salomo nekame la a tẽega a sẽn zãmse. A leba Zerizalɛɛm, a tɩ yalsa zooda kaset taoore, a kʋʋ yũ-noog maando la laafi kosg maand, la a boola a poorẽ dãmba fãa tɩ b wa rɩ kibsa.
Dẽ la pag a to wã yeel yã: «Pa sɩd ye! Bi-vɩɩga la mam biiga, bi-kɩɩnga la fo rẽnna.» Tɩ pag a to wã leoke: «Ka sɩd koe! Bi-kɩɩnga la fo biiga, bi-vɩɩga la mam biiga!» La b kaooga zabr ne taab dĩma taoore.
Pag a ye la bi-vɩɩga weoog yõk yã t'a yeel dĩma: «Wẽnd na kõ y yõore, la y ra kʋ biiga ye, dɩk-y biigã n kɩs pag a to wã.» Pag a to wã yẽ da gomda woto: «B paasge, woto mam kõn soog-a, la fo me kõn soog-a ye.»