Ak kitinyei Solomon kiptainik taman ak aeng’ che kibou Israel tugul, che kiipchin laitoriat amitwogik koboto gonnyi: kiging’at koib chi age tugul amitwogik eng’ arawet eng’ kenyit.
Baana weritab Ailud, eng’ Taanak ak Megido, ak Bet-sean tugul ne negite Saretan, ne mi atebwetab Jesreel, koboch Bet-sean agoi Abel-meola, agoi koit bitetab Jokmeam:
Ben-geber, eng’ Ramot-gilead; ki chechik nganasokab Jair weritab Manase, che mitei Gilead; ki nenyi agine koretab Argob, ne mi Basan, nganasok che eechen tamanwogik lo che tinyei irimoik ak temeleiywekab sugunonik:
Ak kilaitorane Solomon bororiosiek tugul koboch Ainet agoi emetab Pilistik, ak agoi kiwotetab Misri: kiibu kagochinoik, ak kootei Solomon eng’ betusiek tugul che bo sobennyi.
eik taman che akwaen, ak eik tiptem che kigetune akwotisiek, ak kechirek bogol, ko ma boto teweretinik, ak cheptirgichik, ak tiong’ik che u chemnyogosonik, ak ngogaik che akwaen.
Amu kibou koret tugul ne bo Ainet komosi, koboch Tipsa agoi Gasa, kiboi laitorinik tugul che mi Ainet komosi: ak kichamdos ak bik che kimi komoswekyik tugul.
Ak kimeng’is Juda ak Israel eng’ chametab ge, kitebe chi tugul kelutab ketinnyi ne bo sabibuk, ak mogoiywennyi, koboch Dan agoi Beer-seba, eng’ betusiek tugul che bo Solomon.
Amu ki ng’om kosiir bik tugul; kosiir Etan Esraindet, ak Heman, ak Kalkol, ak Darda, weritab Maol: ak kiyom toogunatennyi bororiosiek tugul che kiga yiem inendet.
Ak king’alal agobo ketik, koboch taragonik che mi Lebanon agoi husop che bitos eng’ inatut: king’alal kogeny agobo tiong’ik, ak taritik, ak tuguk che ichuutegei ng’ony, ak njirenik.