Li ser gelê Îsraêl duwanzdeh waliyên Silêman hebûn. Wan ji bo padîşah û maliyên wî, xwarin û vexwarin peyda dikirin. Peydakirina xwarin û vexwarinê di salê de ji bo her mehekê, li ser waliyekî bû.
Li Taenax, Megîddo, tevahiya Bêtşeana ku li jêra Yîzreyêlê û li kêleka Saretanê ye, ji Bêtşeanê heta Avêl-Meholayê, ji wir heta wî aliyê Yoqmeamê, Baenayê kurê Ahîlûd bû.
Li Ramot-Gîladê, Ben-Gever bû. Li wir, li wargehên Yayîrê kurê Minaşşe yên li Gîladê û li şêst bajarên mezin ên bisûr û bi dergehên bi zirzeyên tûncîn hatibûn xurtkirin di bin destê wî de bûn. Ew bajar li herêma Argova Başanê bûn.
Silêman, ji Feratê heta welatê Filîstiyan, heta sînorê Misrê jî, li ser hemû padîşahiyan serwer bû. Wan bac anîn û di tevahiya jiyana xwe de xizmeta Silêman kirin.
Ji ber ku li tevahiya herêma ji aliyê rojava yê Feratê, ji Tîfsahê heta Xezayê li ser tevahiya padîşahên aliyê rojava yê Feratê serweriya xwe dajot. Li dorhêlê aştî hebû.
Silêman li ser şînahiyê, ji dara sedrê ya Lubnanê heta giyayê cehtirê ku di dîwaran de şîn dibe, got. Wî li ser heywanan, teyran, afirîdên ku bi erdê ve dişêlin û masiyan jî got.
Ji bo ku guhdariya şehrezayiya Silêman bikin, ji tevahiya neteweyan û ji tevahiya padîşahên dinyayê yên şehrezayiya wî bihîstin, kesên xwe şandin ba wî.