Tẽngr dotã yalem yaa kãntɩɩs a nu, rot niyns sẽn zao-b bãmba yalem yaa kãntɩɩs a yoobe, tɩ zugẽ dota ya kãntɩɩs a yopoe. Wẽnd dooga lalg sã n zẽkdẽ, a taglma ra woogdame. Rẽ me la rota sẽn doglem taaba yalem da ka a ye.
Sã n ya rot niyns sẽn me n yeglã, bãmb no-yɛnga ra bee wẽnd dooga yaang pẽkẽ. Dɩlla kẽeda pipi roogã tɩ yẽ pʋgẽ marsã la noor da bee n dʋʋd tẽnsʋk soabã, tɩ noor me le be be n dʋʋd a tãab soabã.
«Roog ning f sẽn metã, ad-f sã kẽn wa m noora sẽn date, f sã n deeg m sẽn wilgi, f sã n tũ m sẽn zãms-fo, m na pids m sẽn kãab-f bũmb ninga, la m sẽn kãab f ba, a Daviid.
Sõmblem pid Sõmblem dooga woglem yaa kãntɩɩs pisi, a yalma me boto, a zãndlem me boto, a tablg-a-la ne sãnem. B da rɩgla a taoore maan-kugrã sẽn maneg n tablg ne ra-kegemse.
Dooga pʋg zãng fãa ra yaa sãnem sẽn yɩlge. Do-sõnga noorẽ, b ninga sãnem yãndo. Rooga pʋg fãa ra bolga sãnem; maan-kugr ninga sẽn da na n kẽes a pʋgẽ wã tablga ne sãnem.
Malɛgs a yiiba da rɩgla Sõmblem dooga tẽnsʋka. B ra yɛdga b pɩgsã. Malɛk a ye pɩgsa ra sɩɩsda kɩreng a ye lalgã t'a to wã rẽnd sɩɩsd lalg a to wã. B pɩgs a taaba ra tẽegame n sɩɩsd taab sʋka.
Kʋɩlensa sẽn lakd goabg la rɩtgã la sẽn pees ne oliviye raoogã, ra gʋla malɛgs nense, tɩɩs vãado la puud sẽn weke la b bolg-b la ne sãnem; b bolga malɛgsa la tɩɩsa vãada me ne sãnem.
Yaa a naama yʋʋmd piig la a ye soaba, Bul kiuugu, kiuug a nii soaba la a Salomo baas wẽnd doogã, wala a sẽn da tog n yɩ la b sẽn da rat t'a yɩ a soaba. Yaa yʋʋm a yopoe la a Salomo me roogã.