Si adu wa gere, fuo kura awiri aYisaraere ringara Ezipeta yo earã asaki yo wa 480, Soromo ki tona ka dua ga Yekova bambu, rogo biama garã zoga ko rago ku ri aYisaraere, rogo gu diwi nga Ziu, nga ue diwi
Gu mbaraza naadu barangba gu ziazia ba nga ga bambu, bagizaha adu wa bagiza mbiribe 20, a wa i aringbisi he kuti bakia pati bambu; patihe adu wa bagiza mbiribe bawe barangba bambu.
Kuti vuro bambu kirikiri ko adua he ku ari ni kparakakparaka he kuti vuro bambu rogo gu nga ga yekaru na rogo gu kparakpara ziazia ba susi a. Ko ki mbakadi adimo pati he kirikiri.
Gu vuruhe naadu ku sende patihe adu wa bagiza mbiribe bisue, gu vuruhe naadu ku ri he ni ue ne, patihe adu wa bagiza mbiribe saba. Ko adua asongoro ti pavuru bambu kirikiri zegi yo, ka angbongbo azada nga pavuru bambu ya.
Ho i adua gi bambu ni re, i adua ha na agu ambia i ambakadi he kina bagetaka ha yo; si du i agia nga woro bande na mangua na kura marã sunge ti ni wa i adua ha ya.
Ngbadimo gu vuru bambu naadu ni bambata ha, si adu ti gu pavuru bambu naadu ku kumbabe; i ki nidakpa ti kengerakengera babita ki rimi ku rogo gu vuruhe naadu ni ue he, i ki kuru rogo ue he ki ndu ku rogo gu vuruhe yo naadu ku ri he ni biata ha.
Ko ki dua agu avuru bambu gu naadu ku ri kura ha ti bambu dunduko, basona avuruhe ni ba sa sa ki du wa bagiza mbiribe bisue; si Ki sungu kuti bambu na ngua kedara.
“Tipa gu bambu mo adua ha, ka mo apéka fuo gimi rugaapai, ki nisari gimi ruru angbanga, ki nika kuti gimi arugute dunduko, ki nita rogo ho; mi anyákasa gi pai na mo, nga gu mi agumba pa ha fu bamo nangia Dawidi.
Ko adadi vuro bambu vuru he yo na angua kedara; tona ti vuru bambu yo kusende na pavuruhe na ri he a, ko adadi he na ngua. Ko ki dadi vuru bambu yo sande na gu ngua nga kupuresa.
Ko ki mbakadi vuru bambu ku gii bambu yo wa bagiza mbiribe 20, ki nyasi he na agu angua nga kedara, tona ku sende ka ndu ku ari a; ko adua ha vuruhe yo tipa ziazia ba, nangia kina gu kparakpara ziazia ba naadu ni ziazia ha susi.
Bakia ziazia ba adu wa bagiza mbiribe 20, patihe ki du wa bagiza mbiribe 20, basonaha ki du wa bagiza mbiribe 20 a; ko ki dadi he ni ndikidi dahabu. Ko ki dadi bamotumo na ngua kedara.
Bagiza pupo keruba sa adu wa bagiza mbiribe bisue, bagiza gu kura pupoho ki du wa bagiza mbiribe bisue a; tona ti mburu pupoho sa dati digida gu ue he adu wa bagiza mbiribe bawe.
Ko ki moi akeruba ku rogo gu pa vuru Dambu yo du ku mbata yo; pupo akeruba ki du ni zarazara ha, si du pupo keruba sa ada ti vuro bambu sa, pupo kura keruba ki da ti vuro bambu ku bani; apupoho ki gbia tihe bebere bambu yo.
Ko ki seke vuro bambu kirikiri dunduko ni kpia sekeseke ahe wa akeruba na asikisa na zarazara mbumbuda, ti gu vuruhe du dimo yo na gu vuruhe du ku zegi yo a.
Ko ki mbakadi akpuguru ni ngua nzeme tipa ngbadimo ziazia ba. Gu ngua naadu ni wagiwagi he ri ngbadimo na agu angua naadu pa ngbadimo si adi ba wa sa dagba bisue he ti pavuru bambu.
Ko ambakadi akpuguru ue na ngua nzeme, ki seke kpiaahe ti ni wa akeruba na asikisa na zarazara mbumbuda, ki dadi he ni dahabu; ko ki dadi akeruba ni dahabu na asikisa a.