|
| 1 |
|
| سَيْ سُلَيْمَٰنُ يَسَا دُكَنْ دَتَّاوَنْ إِسْرَٰٓءِيلَ دَ شُوغَبَنِّنْ كُواْوَثٜىٰ ذُرِيَ دَ شُوغَبَنِّنْ غِدَاجٜىٰنْ كَاكَنِّنْ جَمَعَرْ إِسْرَٰٓءِيلَ سُتَتَّارُ أَوُرِنْسَ أَ عُرُوشَلِيمَ، دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ دَغَ بِرْنِنْ دَاوُدَ، وَتُواْ سِهِيُواْنَ؞ |
|
| 2 |
|
| سَيْ دُكَنْ مُتَنٜىٰنْ إِسْرَٰٓءِيلَ سُكَ تَارُ وُرِنْ سَرْكِے سُلَيْمَٰنُ أَ لُواْكَثِنْ بِكٍ بُكُّواْكِ أَوَتَ نَبَݣَويْ؞ |
|
| 3 |
|
| سَعَدَّ دُكَنْ دَتَّاوَنْ إِسْرَٰٓءِيلَ سُكَ إِسُواْ، سَيْ ڢِرِسْتُواْثِے سُكَ طَوْكِ عَݣُوتِنْ يَرْجٜىٰجٜىٰنِيَ، |
|
| 4 |
|
| سُكَ كَيْ شِ غِدَنْ يَهْوٜىٰهْ ؞ ڢِرِسْتُواْثِے دَ لَوِيَاوَا سُكَ كُمَ كَٰوُاْ تٜىٰنْتِنْ سَدُوَ دَ كُمَ ݣُونُواْنِنْ دَ عَكَ كٜىٰٻٜىٰ وَطَنْدَ سُكٜىٰ عَثِكِنْ تٜىٰنْتِنْ ذُوَا غِدَنْ يَهْوٜىٰهْ ؞ |
|
| 5 |
|
| سَرْكِے سُلَيْمَٰنُ دَ دُكَنْ جَمَعَرْ إِسْرَٰٓءِيلَ دَسُكٜىٰ تَرٜىٰ دَشِ أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ سُكَيِ تَمِيڧَ هَدَايَرْ تُمَكِ دَ بِجِمَيْ مَاسُيَوَ دَ بَعَ عِيَ ڧِرْغَوَ كُواْ كُوَ عَيِ مِصَالِنْسُ؞ |
|
| 6 |
|
| سَيْ ڢِرِسْتُواْثِنْ سُكَ كَيْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ ذُوَا ثِكِ ثِكِنْ غِدَنْ؞ سُكَ كُوَ سَا شِ أَوُرِنْ ذَمَنْسَ ثِكِنْ وُرِے مَڢِے ڟَرْكِے، عَڧَرْڧَشِنْ ڢِكَڢِكَنْ حَلِتُّنَّنْ غُدَا بِيُ؞ |
|
| 7 |
|
| بُوطَطُّنْ ڢِكَڢِكَنْ حَلِتُّنْ سُكَ رُڢٜىٰ وُرِنْ دَ عَكَ أَجِيٜىٰ عَݣُوتِنْ تَرٜىٰدَ سَنْدُنَنْ دَ عَكٜىٰ طَوْكَرْسَ؞ |
|
| 8 |
|
| سَنْدُنَنْ سُنْيِ دُواْغُواْ يَدَّ عِدَنْ أَنْڟَيَ أَغَبَنْ وُرِے مَڢِے ڟَرْكِے ذَاعَ عِيَ غَنِنْ بَاكِنْسُ دَغَ وُرِے مَيْ ڟَرْكِے، عَمَّا بَذَاعَ عِيَ غَنِ دَغَ وَجٜىٰبَ؞ سَنْدُنَنْ سُنَانَنْ هَرْوَيَوْ؞ |
|
| 9 |
|
| بَا وَنِ أَبُ ثِكِنْ عَݣُوتِنْ، سَيْدَيْ أَلُّنَ بِيُ نَدُوڟٜىٰ وَطَنْدَ مُوسَٰى يَسَا عَثِكِنْ عَݣُوتِنْ عَبَبَّنْ تُدُنْ هُواْرٜىٰبْ، عِنْدَ يَهْوٜىٰهْ يَيِ يَرْجٜىٰجٜىٰنِيَ دَ جَمَعَرْ إِسْرَٰٓءِيلَ، سَعَدَّ سُكَ ڢِتُواْ دَغَ ڧَسَرْ مَصَرْ؞ |
|
| 10 |
|
| يَايِنْ دَ ڢِرِسْتُواْثِنْ سُكَ ڢِتَ دَغَ وُرِے مَيْ ڟَرْكِے، سَيْ وَنِ غِرْغِجٜىٰ يَرُڢٜىٰ غِدَنْ يَهْوٜىٰهْ ؞ |
|
| 11 |
|
| ڢِرِسْتُواْثِنْ بَسُ إِيَثِيغَبَ دَ عَيْكِنْسُ بَ، سَبُواْدَ حَصْكٜىٰنْ طَوْكَكَرْ كَسَنْثٜىٰوَرْ يَهْوٜىٰهْ يَثِكَ غِدَنْ؞ |
|
| 12 |
|
| سَيْ سُلَيْمَٰنُ يَثٜىٰ، «يَا يَهْوٜىٰهْ ، كَثٜىٰ غِذَغِظَيْ مَاسُ دُهُ سُنْ كَسَنْثٜىٰ وُرِنْ ذَمَنْكَ؞ |
|
| 13 |
|
| غَاشِ، نَغِنَ مَكَ غِدَا مَيْ دَرَجَ عِنْدَ ذَاكَ كَسَنْثٜىٰ حَرْ أَبَدَا؞» |
|
| 14 |
|
| يَايِنْ دَ دُكَنْ تَارُوانْ جَمَعَرْ إِسْرَٰٓءِيلَ سُنَانَنْ ڟَيٜىٰ أَوُرِنْ، سَيْ سُلَيْمَٰنُ يَجُويَ يَڢُسْكَنْثٜىٰسُ، يَسَا مُسُ أَلْبَرْكَ يَثٜىٰ، |
|
| 15 |
|
| «أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ! شِينٜىٰ وَنْدَ تَهَنُّنْسَ يَثِكَ أَلْڧَوَرِنْ بَاكِنْسَ وَنْدَ يَيِ وَبَابَنَ دَاوُدَ؞ |
|
| 16 |
|
| غَمَا يَهْوٜىٰهْ يَثٜىٰ وَبَابَنَ، ‹تُنْدَغَ رَانَرْدَ نَڢِتَرْدَ مُتَنٜىٰنَ نَ إِسْرَٰٓءِيلَ دَغَ مَصَرْ، بَنْ تَٻَ ذَاٻٜىٰنْ وَنِ بِرْنِ عَثِكِنْ ذُرِيَرْ إِسْرَٰٓءِيلَ عِنْدَ ذَنْ غِنَا غِدَا دُواْمِنْ سُونَنَ يَكَسَنْثٜىٰبَ؞ عَمَّا نَذَاٻِ دَاوُدَ يَشُوغَبَنْثِ مُتَنٜىٰنَ إِسْرَٰٓءِيلَ؞› |
|
| 17 |
|
| «بَابَنَ دَاوُدَ يَيِ نِيَّ يَغِنَ غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞ |
|
| 18 |
|
| عَمَّا يَهْوٜىٰهْ يَثٜىٰمَسَ، ‹يَنَ دَݣَوْ دَ كَا يِنِيَّ كَغِنَ مِنِ غِدَا دُواْمِنْ أَغِرْمَمَ سُونَنَ، |
|
| 19 |
|
| عَمَّا دُكْدَهَكَ، بَ كَيْنٜىٰ ذَاكَ غِنَا غِدَنْ بَ؞ طَنْكَ وَنْدَ ذَاعَ حَيْڢَ مَكَ نٜىٰ ذَيْ غِنَا غِدَنْ دُواْمِنْ سُونَنَ؞› |
|
| 20 |
|
| «غَاشِ كُوَ يَهْوٜىٰهْ يَا ثِكَ أَلْڧَوَرِنْ دَ يَيِ؞ يَوْ نَغَاجِ بَابَنَ دَاوُدَ، نَذَوْنَ عَكُجٜىٰرَرْ مُلْكٍ إِسْرَٰٓءِيلَ بِسَغَ أَلْڧَوَرِنْ يَهْوٜىٰهْ ، نَكُمَ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞ |
|
| 21 |
|
| نَكُمَ شِرْيَ وَ عَݣُوتِنْ يَرْجٜىٰجٜىٰنِيَ وُرِے عَثِكِنْ غِدَنْ؞ عَݣُوتِنْ يَنَ ڧُنْشٜىٰ دَ يَرْجٜىٰجٜىٰنِيَرْ دَ يَهْوٜىٰهْ يَيِ دَ كَاكَنِّنْمُ لُواْكَثِنْدَ يَڢِتَرْ دَسُو دَغَ ڧَسَرْ مَصَرْ؞» |
|
| 22 |
|
| أَغَبَنْ تَارُوانْ جَمَعَرْ إِسْرَٰٓءِيلَ سُلَيْمَٰنُ يَڟَيَ أَغَبَنْ بَغَدٜىٰنْ يَهْوٜىٰهْ ، يَمِيڧَ حَنُّوَنْسَ سَمَ؞ |
|
| 23 |
|
| سَيْ يَيِ أَدُّعَ يَثٜىٰ، «يَا يَهْوٜىٰهْ اللَّهْ نَ إِسْرَٰٓءِيلَ، بَابُوَنِ اللَّهْ كَمَرْكَ عَثَنْ سَمَ، كُواْ أَنَنْ دُونِيَا! كَنَ كِيَايٜىٰ يَرْجٜىٰجٜىٰنِيَرْكَ، كَنَ كُمَ نُونَ ڧَوْنَ مَرَرْ ثَنْجَاوَا غَ دُكَنْ مَاسُ تَڢِيَ تَرٜىٰدَكَيْ دَ دُكَنْ ذُوثِيَارْسُ؞ |
|
| 24 |
|
| كَيْ كَثِكَ أَلْڧَوَرِنْدَ كَيِ وَبَابَنَ دَاوُدَ، وَنْدَ كَڢَطَا دَ بَاكِنْكَ كَكُمَ عَيْكَتَ دَ حَنُّنْكَ؞ |
|
| 25 |
|
| يَنْذُ يَا يَهْوٜىٰهْ اللَّهْ نَ إِسْرَٰٓءِيلَ، بَرِ كَثِكَ أَلْڧَوَرِنْدَ كَيِ وَبَاوَنْكَ بَابَنَ دَاوُدَ دَ كَثٜىٰمَسَ، ‹عِدَنْ یَیَنْكَ مَظَا ذَاسُ لُورَ دَ رَايُوَرْسُ، سُكُمَيِ تَڢِيَ تَرٜىٰدَنِ كَمَرْ يَدَّ كَيْ كَايِ، تُواْ، كُلُّمْ ذَاعَ سَامِ وَنِ دَغَ ثِكِنْ عِيَلِنْكَ دَ ذَيْ غَاجِ كُجٜىٰرَرْ مُلْكٍ إِسْرَٰٓءِيلَ؞› |
|
| 26 |
|
| يَنْذُ يَا اللَّهْ نَ إِسْرَٰٓءِيلَ، بَرِ كَتَبَّتَرْ دَ مَغَنَرْ أَلْڧَوَرِنْكَ وَدَّ كَيِ وَبَاوَنْكَ بَابَنَ دَاوُدَ؞ |
|
| 27 |
|
| «عَمَّا كُواْ ذَيْ يِوُ اللَّهْ يَذَوْنَ عَدُونِيَا نٜىٰ؟ سَمَنْ سَمَّيْ مَا بَتَ إِشٜىٰكَبَ، بَلّٜىٰ مَا وَنَّنْ غِدَنْدَ نَغِنَ، أَيْ، بَيْ إِسَ كُواْمٜىٰبَ! |
|
| 28 |
|
| دُكْدَهَكَ، جِ أَدُّعَ دَ ضُواْڧُوانْ دَنِے بَاوَنْكَ نَكٜىٰيِ مَكَ، يَا يَهْوٜىٰهْ اللَّهْ نَا، كَكَسَ كُنّٜىٰ غَ كُوكَا دَ أَدُّعَرْ دَنِے بَاوَنْكَ نَكٜىٰيِ مَكَ يَوْ؞ |
|
| 29 |
|
| بَرِ كَدِنْغَ سَا عِدَنُونْكَ نَأَلْحٜىٰرِ عَكَنْ وَنَّنْ غِدَا دَرٜىٰ دَ رَانَ، وَتُواْ عِنْدَ كَثٜىٰ، ‹سُونَنَ ذَيْ كَسَنْثٜىٰ أَوُرِنْ؞› بَرِ كَجِ أَدُّعَتَ سَعَدَّ نَڢُسْكَنْثِ وَنَّنْ وُرِنْ ثِكِنْ أَدُّعَ؞» |
|
| 30 |
|
| «بَرِ كَجِ ضُواْڧٜىٰ ضُواْڧٜىٰنَ دَ نَجَمَعَرْكَ سَعَدَّ سُكَ ڢُسْكَنْثِ وُرِنَّنْ سُنَ أَدُّعَ؞ بَرِ كَجِيمُ دَغَ سَمَ عِنْدَ كَكٜىٰ ذَمَ، كَجِ كَغَاڢَرْتَا مَنَ؞ |
|
| 31 |
|
| «عِدَنْ وَنِ يَظَرْغِ وَنِ عَكَنْ يَسَامٜىٰشِ دَ لَيْڢِے حَرْ عَكَ كَٰوُاْ مُتُمِنْ أَغَبَنْ بَغَدٜىٰنْكَ ثِكِنْ غِدَنْكَ دُوانْ ضَنْڟُوَا، إِنْ كُوَ يَرَنْڟٜىٰ ثٜىٰوَ بَاشِ دَ لَيْڢِے، |
|
| 32 |
|
| يَا يَهْوٜىٰهْ ، سَيْكَجِ دَغَ سَمَ، كَيِ شَرِيعَ، كَيَنْكٜىٰ وَبَايِنْكَ حُكُنْثِ؞ كَحُكُنْتَ مَيْ لَيْڢِے كَمَيْدَ لَيْڢِنْسَ عَكَنْسَ، مَيْ غَسْكِيَ كُمَ كَنُونَ شِے مَرَرْ لَيْڢِے نٜىٰ بِسَغَ غَسْكِيَرْسَ؞ |
|
| 33 |
|
| «مَيْ يِوُوَ أَبُواْكَنْ غَابَنْ جَمَعَرْكَ إِسْرَٰٓءِيلَ ذَاسُثِسُ دَ يَاڧِ سَبُواْدَ جَمَعَرْكَ سُنْيِ مَكَ ذُنُوبِ؞ عَمَّا عِدَنْ سُكَ جُويُواْ غَرٜىٰكَ، سُكَ تَبَّتَرْ دَ غِرْمَنْ سُونَنْكَ، سُكَيِ أَدُّعَ، سُكَ نٜىٰمِ غَاڢَرَ أَوَنَّنْ غِدَا، |
|
| 34 |
|
| سَيْكَ جِيسُ دَغَ سَمَ؞ كَغَاڢَرْتَا مُسُ ذُنُبَنْسُ، كَكُواْمَرْ دَسُو ذُوَا وَنَّنْ ڧَسَرْدَ كَبَا كَاكَنِّنْسُ؞ |
|
| 35 |
|
| «مَيْ يِوُوَ ذَاكَ كُلّٜىٰ سَرَرِنْ سَمَ حَرْ ضُوً سَمَ بَيْ سَوْكُواْبَ، سَبُواْدَ جَمَعَرْكَ سُنْيِ مَكَ ذُنُوبِ؞ عِدَنْ سُكَ تَبَّتَرْ دَ غِرْمَنْ سُونَنْكَ سُكَيِ أَدُّعَ سُنَ ڢُسْكَنْتَرْ غِدَنَّنْ، سُكَ جُويَا دَغَ ذُنُبَنْسُ سَبُواْدَ كَحُكُنْتَسُ، |
|
| 36 |
|
| سَيْكَ جِيسُ دَغَ سَمَ؞ كَغَاڢَرْتَ ذُنُبَنْ بَايِنْكَ وَتُواْ جَمَعَرْ إِسْرَٰٓءِيلَ، كَكُواْيَ مُسُ سُيِ تَڢِيَ أَ حَنْيَرْ رَايُوَا مَيْݣَوْ؞ سَعَنً يَا يَهْوٜىٰهْ ، كَعَيْكَ دَ ضُوً سَمَ عَڧَسَرْكَ دَ كَبَا مُتَنٜىٰنْكَ تَذَمَ مَلَّكَرْسُ تَغَادُواْ؞ |
|
| 37 |
|
| «مَيْ يِوُوَ ذَاعَيِ يُنْوَ عَڧَسَرْ، كُواْ بَلَعِ، كُواْ إِسْكَ مَيْ ذَاڢِ مَيْ يَنْڨُونٜىٰ أَمْڢَانِنْ غُواْنَ، كُواْ ڢُمْڢُنَ، كُواْ ڢَارِ، كُواْ كُمَ ڟُڟُواْڟِ سُنْ ڢَاطَوَ أَمْڢَانِنْ غُواْنَرْسُ، كُواْ كُوَ عِدَنْ أَبُواْكَنْ غَابَنْ جَمَعَرْكَ سُنْ شِغَ ڧَسَرْ سُكَ كٜىٰوَيٜىٰ غَرُرُوَنْسُ، كُواْ كُوَ أَݣَويْ ثُوتُتُّكَ دَ رَشِنْ لَاڢِيَ عَثِكِنْ مُتَنٜىٰنْ؞ |
|
| 38 |
|
| عِدَنْ وَنِ مُتُمْ كُواْ دُكَنْ جَمَعَرْكَ سُنْيِ أَدُّعَ، كُواْ سُنْيِ ضُواْڧُواْ، سَبُواْدَ سُنْ غَانٜىٰ دَ دَامُوَرْ ذُوثِيَارْسُ حَرْ سُنَ مِيڧَ حَنُّوَنْسُ تَوَنَّنْ غِدَا، |
|
| 39 |
|
| سَيْكَجِ دَغَ سَمَ عِنْدَ كَكٜىٰ ذَمَ؞ كَغَاڢَرْتَا مُسُ، كَطَوْكِ مَتَاكِ، كَبِدَ كُواْوَ يَدَّ يَثَنْثَنْتَ بِسَغَ يَدَّ كَسَنْ ذُوثِيَارْسَ، سَبُواْدَكَيْ كَطَيْ كَاسَنْ تُنَانِنْ ذُوثِيَارْ مُتُمْ؞ |
|
| 40 |
|
| تَهَكَ مُتَنٜىٰنْكَ ذَاسُجِڟُواْرُوانْكَ سُيِ تَڢِيَ عَثِكِنْ حَنْيَرْكَ دُكَنْ ݣُونَكِنْ دَ ذَاسُ كَسَنْثٜىٰ عَڧَسَرْدَ كَبَا كَاكَنِّنْمُ؞ |
|
| 41 |
|
| «مَيْ يِوُوَ وَنِ بَڧُواْ، وَنْدَ بَ نَڧَبِيلَرْكَ إِسْرَٰٓءِيلَ بَ، يَذُواْ دَغَ ڧَسَا مَيْ نِيسَ دُواْمِنْ يَغِرْمَمَ سُونَنْكَ، |
|
| 42 |
|
| دَيَكٜىٰ بَاڧِ ذَاسُجِ غَمٜىٰدَ سُونَنْكَ دَ حَنُّنْكَ مَيْ إِيكُواْ دَ مَنْيَنْ أَيُّكَنْكَ نَبَنْ مَامَاكِ؞ عِدَنْ يَا ذُواْ يَيِ أَدُّعَ يَنَ ڢُسْكَنْتَرْ غِدَنَّنْ، |
|
| 43 |
|
| سَيْكَجِ دَغَ سَمَ عِنْدَ كَكٜىٰ ذَمَ؞ سَعَنً كَيِ دُكْ أَبِنْدَ بَڧُوانْ يَضُواْڧَا، دُواْمِنْ دُكَنْ ڧَبِيلُنْ دُونِيَا سُسَنْ سُونَنْكَ سُغِرْمَمَكَ، كَمَرْ يَدَّ جَمَعَرْكَ إِسْرَٰٓءِيلَ سُكٜىٰ غِرْمَمَكَ؞ ذَاسُ كُمَ سَنِ ثٜىٰوَ وَنَّنْ غِدَنْدَ نَغِنَ أَنْسَنْشِ دَ سُونَنْكَ نٜىٰ؞ |
|
| 44 |
|
| «مَيْ يِوُوَ جَمَعَرْكَ ذَاسُڢِتَ يِنْيَاڧِ دَ أَبُواْكَنْ غَابَنْسُ، دُكْ عِنْدَ ذَاكَ عُمَرْثٜىٰسُ سُتَڢِے؞ عِدَنْ سُنْيِ أَدُّعَ سُنَ ڢُسْكَنْتَرْ وَنَّنْ بِرْنِنْدَ كَذَاٻَا دَ كُمَ وَنَّنْ غِدَنْدَ نَغِنَ دُواْمِنْ أَغِرْمَمَ سُونَنْكَ، |
|
| 45 |
|
| سَيْكَجِ أَدُّعَرْسُ دَ ضُواْڧُوانْسُ دَغَ سَمَ، كَيِ مُسُ أَبِنْدَ يَدَاثٜىٰ؞ |
|
| 46 |
|
| «مَيْ يِوُوَ جَمَعَرْكَ ذَاسُيِ مَكَ ذُنُوبِ، غَمَا بَ طَنْ أَدَمْ دَ بَايَ ذُنُوبِ، كَكُمَيِ ڢُشِے دَسُو كَبَاشٜىٰسُ أَ حَنُّنْ أَبُواْكَنْ غَابَنْسُ، حَرْ عَكَ ݣُوشٜىٰسُ ذُوَا وَتَ ڧَسَا مَيْ نِيسَ كُواْ كُسَ؞ |
|
| 47 |
|
| عِدَنْ سُكَ ثَنْجَ ذُوثِيَارْسُ عَڧَسَرْدَ عَكَ كَيْسُ بَوْتَا، حَرْ سُكَ تُوبَ سُكَ ضُواْڧٜىٰكَ سُكَثٜىٰ، ‹مُنْيِ ذُنُوبِ، بَمُيِ دَيْدَيْبَ، مُنْ عَيْكَتَ مُغُنْتَا،› سَيْ كَجِ أَدُّعَرْسُ دَغَ سَمَ عِنْدَ كَكٜىٰ ذَمَ؞ |
|
| 48 |
|
| عِدَنْ كُمَ سُكَ تُوبَ دَ دُكَنْ ذُوثِيَارْسُ دَ حَنْكَلِنْسُ عَڧَسَرْدَ سُكٜىٰ بَوْتَا، سُكَيِ مَكَ أَدُّعَ سُنَ ڢُسْكَنْتَرْ ڧَسَرْدَ كَبَا كَاكَنِّنْسُ دَ بِرْنِنْدَ كَذَاٻَا دَ كُمَ غِدَنْدَ نَغِنَ دُواْمِنْ أَغِرْمَمَ سُونَنْكَ، |
|
| 49 |
|
| سَيْ كَجِ أَدُّعَرْسُ دَ ضُواْڧُوانْسُ دَغَ سَمَ عِنْدَ كَكٜىٰ ذَمَ، كَكُمَيِ مُسُ أَبِنْدَ يَدَاثٜىٰ؞ |
|
| 50 |
|
| بَرِ كَغَاڢَرْتَا وَمُتَنٜىٰنْكَ دُكَنْ ذُنُبَنْسُ دَ ذُنُبَنْ غَنْغَنْثِنْ دَ سُكَيِ مَكَ؞ كَكُمَسَا أَبُواْكَنْ غَابَنْسُ سُرِڧٜىٰسُ دَ تَوْسَيِ؞ |
|
| 51 |
|
| غَمَا سُونٜىٰ جَمَعَرْكَ دَ كُمَ غَادُوانْكَ وَطَنْدَ كَڢِتَرْ دَسُو دَغَ ڧَسَرْ مَصَرْ دَغَ ثِكِنْ ذَاڢِنْ وُتَرْ مَڧٜىٰرَرْ نَنْ؞ |
|
| 52 |
|
| «بَرِ كَبَادَ حَنْكَلِنْكَ غَ أَدُّعَرْ بَاوَنْكَ دَ تَجَمَعَرْكَ إِسْرَٰٓءِيلَ؞ كَكَسَ كُنّٜىٰ غَرٜىٰسُ سَعَدَّ سُكَيِ كِرَا غَرٜىٰكَ؞ |
|
| 53 |
|
| غَمَا كَيْ، يَا عُبَنْغِجِ يَهْوٜىٰهْ ، كَوَارٜىٰسُ دُواْمِنْ كَنْكَ دَغَ دُكَنْ سَوْرَنْ ڧَبِيلُنْ دُونِيَا سُذَمَ غَادُوانْكَ، بِسَغَ أَلْڧَوَرِنْدَ كَيِ وَبَاوَنْكَ مُوسَٰى لُواْكَثِنْدَ كَڢِتَرْدَ كَاكَنِّنْمُ دَغَ ڧَسَرْ مَصَرْ؞» |
|
| 54 |
|
| سَعَدَّ سُلَيْمَٰنُ يَغَمَ يِنْ وَطَنَّنْ أَدُّعُواْعِ دَ ضُواْڧٜىٰ ضُواْڧٜىٰ غَ يَهْوٜىٰهْ ، سَيْ يَمِيڧٜىٰ ڟَيٜىٰ أَغَبَنْ بَغَدٜىٰنْ يَهْوٜىٰهْ ، عِنْدَ دَا مَا يَكٜىٰ أَدُرْڧُشٜىٰ دَ حَنُّوَنْسَ أَ مِيڧٜىٰ ذُوَا سَمَ؞ |
|
| 55 |
|
| يَڟَيَ أَوُرِنْ يَطَغَ مُرْيَرْسَ سُواْسَيْ يَ أَلْبَرْكَثِ جَمَعَرْ إِسْرَٰٓءِيلَ دُكَ يَثٜىٰ، |
|
| 56 |
|
| «أَلْبَرْكَ تَا تَبَّتَا غَ يَهْوٜىٰهْ وَنْدَ يَبَامُتَنٜىٰنْسَ إِسْرَٰٓءِيلَ هُوتُ، كَمَرْ يَدَّ يَيِ أَلْڧَوَرِ؞ بَابُ كَلْمَ طَيَ دَ تَذَمَ بَنْظَ ثِكِنْ دُكَنْ أَلْكَوَرَيْ مَاسُ ݣَوْ دَ يَيِ تَبَاكِنْ مُوسَٰى؞ |
|
| 57 |
|
| بَرِ يَهْوٜىٰهْ اللَّهْ نْمُ يَكَسَنْثٜىٰ تَرٜىٰدَمُو، كَمَرْ يَدَّ يَكَسَنْثٜىٰ دَ كَاكَنِّنْمُ؞ كَدَ يَبَرْمُو كُواْ كُوَ يَڨَلٜىٰمُ؞ |
|
| 58 |
|
| بَرِ يَبَامُ مَرْمَرِنْ عَيْكَتَ نُڢِنْسَ أَ ظُكَاتَنْمُ، مُيِ تَڢِيَ تَرٜىٰدَشِ ثِكِنْ دُكَنْ حَنْيَرْسَ، مُكُمَيِ بِيَيَّ دَ دُواْكُواْكِ دَ ڧَٰعِدُواْدِ دَ عُمَرْنَنْدَ يَبَا كَاكَنِّنْمُ؞ |
|
| 59 |
|
| بَرِ كُمَ كَلْمُواْمِنْ ضُواْڧٜىٰ ضُواْڧٜىٰنْدَ نَيِ أَغَبَنْ يَهْوٜىٰهْ سُكَسَنْثٜىٰ تَرٜىٰدَشِ كُلُّمْ دَرٜىٰ دَ رَانَ، دُواْمِنْ يَهْوٜىٰهْ اللَّهْ نْمُ يَيِ أَبِنْدَ يَدَاثٜىٰ دَنِے بَاوَنْسَ دَ كُمَ جَمَعَرْسَ إِسْرَٰٓءِيلَ كُواْوَثٜىٰ رَانَ؞ |
|
| 60 |
|
| بَرِ يَيِ حَكَ دُواْمِنْ دُكَنْ ڧَبِيلُنْ دُونِيَا سُسَنْ ثٜىٰوَ يَهْوٜىٰهْ شِينٜىٰ اللَّهْ ، كُمَ بَنْدَشِ، بَا وَنِ؞ |
|
| 61 |
|
| بَرِ كُمَ كُو دَ كُكٜىٰ مُتَنٜىٰنْسَ، كُبَادَ ذُوثِيَارْكُ غَبَاطَيَ كُلُّمْ غَ يَهْوٜىٰهْ اللَّهْ نْمُ؞ بَرِ كُدِنْغَ رَايُوَا عَثِكِنْ ڧَٰعِدُواْدِنْسَ كُكُمَ كِيَايٜىٰ دُواْكُواْكِنْسَ دَيْدَيْ كَمَرْ يَدَّ كُكٜىٰيِ عَيَوْ؞» |
|
| 62 |
|
| سَعَنً سَرْكِے تَرٜىٰدَ دُكَنْ جَمَعَرْ إِسْرَٰٓءِيلَ سُكَ مِيڧَ هَدَايُ أَغَبَنْ يَهْوٜىٰهْ ؞ |
|
| 63 |
|
| سُلَيْمَٰنُ يَيِ هَدَايَ تَڠَرَنْ زُمُنْثِ دَ شَانُو دُبُو عَشِرِنْ دَ بِيُ دَ تُمَكِ دُبُو طَرِے دَ دُبُو عَشِرِنْ؞ تَهَكَ سَرْكِے دَ دُكَنْ جَمَعَرْ إِسْرَٰٓءِيلَ سُكَ كٜىٰٻٜىٰ غِدَنْ يَهْوٜىٰهْ ؞ |
|
| 64 |
|
| أَ رَانَرْ نَنْ سَرْكِے يَكُمَ كٜىٰٻٜىٰ ڢِيلِنْ دَيَكٜىٰ أَغَبَنْ غِدَنْ يَهْوٜىٰهْ ؞ أَوُرِنْ نٜىٰ يَمِيڧَ هَدَايُنْ ڧُواْنَاوَا دَ نَغَرِ دَ كِڟٜىٰنْ هَدَايَ تَڠَرَنْ زُمُنْثِ، غَمَا بَغَدٜىٰنْ تَغُلَّرْ دَيَكٜىٰ أَغَبَنْ يَهْوٜىٰهْ يَا كَاسَ سُواْسَيْ دَ ذَاعَيِ دُكَنْ وَطَنَّنْ هَدَايُ عَكَنْسَ؞ |
|
| 65 |
|
| سَيْ سَرْكِے سُلَيْمَٰنُ تَرٜىٰدَ دُكَنْ إِسْرَٰٓءِيلَ، وَتُواْ بَبَّنْ تَارُوانْ جَمَعَ، سُكَيِ بِكِ أَغَبَنْ يَهْوٜىٰهْ اللَّهْ نْسُ؞ مُتَنٜىٰ سُكَذُواْ دَغَ نٜىٰسَ، تُنْدَغَ مَشِغِنْ يَنْكِنْ هَمَتْ عَ أَرٜىٰوَثِنْ ڧَسَرْ ذُوَا ݣُورِنْ إِيَاكَرْ ڧَسَرْ مَصَرْ عَكُدُ؞ سُكَيِ ݣُونَ بَݣَويْ سُنَ بِكِ، سُكَ كُمَ ڧَارَ وَنِ ݣُونَ بَݣَويْ؞ |
|
| 66 |
|
| أَ رَانَ تَتَݣُوسْ، سَيْ سُلَيْمَٰنُ يَسَلَّمِ مُتَنٜىٰنْ سُكَ تَڢِے؞ مُتَنٜىٰ دُكَ سُكَ يَبِے سَرْكِے، سُكَ كُواْمَ غِدَاجٜىٰنْسُ دَ ڢَضٍ ثِكِ دَ مُرْنَ سَبُواْدَ أَبُبُوَ مَاسُ ݣَوْ دَ يَهْوٜىٰهْ يَيِ وَبَاوَنْسَ دَاوُدَ دَ كُمَ جَمَعَرْسَ إِسْرَٰٓءِيلَ؞ |
|
|
|
|