Kä thilɛ mi te rɛy thandukä matdä ruac Kuɔth, ɛ ni pääm da̱ŋ rɛw tin pat paat tëë läth Muthɛ kɛ thi̱n pääm Thi-nay, gua̱a̱th ëë lät Kuoth Nhial mat ruac thi̱n kɛnɛ ji̱ I-thɛ-rɛl, mëë bäkɛ raar muun I-jëp.
‘Nikɛ cäŋ ëë cä nɛɛkä ni ji̱ I-thɛ-rɛl nööŋ raar muun I-jëp, thilɛ wec mi cä mɛk rɛy thuk duëli ji̱ I-thɛ-rɛl diaal mi bi luak täth kɛ ciötdä mi bi waŋdä te thi̱n. Duundɛ ɣöö cä Dee-bid kuany ala kuäär nɛɛnikä ni ji̱ I-thɛ-rɛl.’
Kä cuɛ wee, “Aɣ Kuoth Nhial min la, Kuoth I-thɛ-rɛl, thilɛ Kuoth mi päär kɛ ji̱, puɔ̱rä nhial kiɛ wi̱c muɔ̱ɔ̱n piny, mi tiit gukdɛ, kä nyuth nɛɛkɛ tin guɔ̱ɔ̱rkɛ jɛ kɛ lɔcdiɛn kɛɛliw nhök mi thil pek.
Kä täämɛ lö Kuoth Nhial, Kuoth I-thɛ-rɛl, tit ruac ëë ci lat kɛ gua̱a̱r ja̱ŋdu ni Dee-bid, mëë wi̱i̱ i̱, ‘/Ci bi met thil raan mi la kuäär nhiamdä kä I-thɛ-rɛl, mi wä gaatku duɔ̱ɔ̱pdiɛn tit, a bikɛ cieŋ nhiamdä ce̱tkɛ min cieŋi nhiamdä.’
A waŋdu guic luak ɛ mi kɛ wäär kɛnɛ cäŋdäär, gua̱a̱th in ci lar i̱, ‘Bi ciötdä te thi̱n,’ kɛ kui̱c ɛmɔ liŋ pal jäŋädu mi palɛ a cɛ wi̱cdɛ luɔc guäth ɛmɛ.
“Kä mi wa ji̱ duer duer (Kɛ ɣöö thilɛ ram mi ci duer) kä ci gaak kɛ kɛ kä bikɛ la̱th tetdä gua̱n tɛ̈r, kä cɛ kɛ pɛ̈c muun mi te nɔ̱a̱nä kiɛ thiekä ala pɛ̈ɛ̈c muun gua̱n tɛ̈r.
mi cikɛ rɔ ri̱t kɛ lɔcdiɛn kɛɛliw, kɛnɛ ca̱riɛn kɛɛliw muun ji̱ tɛ̈riɛn, mëë cakɛ pɛc ala pɛ̈ɛ̈c, mi wäkɛ ji̱ pal luɔtkɛ ni mundiɛn ëë ci ka̱m gua̱ni, wec ɛ ci mɛk, kɛnɛ luak in cä täth kɛ kui̱ cio̱tädu,
Kä curi kɛ kuany rɛy dööri diaal wi̱i̱ muɔ̱ɔ̱n kɛ ɣöö bikɛn a nɛɛku ti rɛli, ce̱tnikɛ mëë ci lar kɛ kuanydu ni Muthɛ, mëë kämi gua̱a̱ri raar kä I-jëp.”
Täämɛ min ci Thɔ-lo-mon thuɔ̱k kɛ pali ti diaal ti̱ti̱, kɛnɛ thiecni ti̱ti̱ kä Kuoth Nhial, cuɛ rɔ jiɛc nhiam yi̱kä Kuɔth Nhial guäth in cɛ rɔ ka̱m mua̱l thi̱n kä cɛ tetkɛ tar nhial.
“Ɛ puɔ̱th tekɛ Kuoth Nhial mëë käm nɛɛkɛ ni ji̱ I-thɛ-rɛl mal, ce̱tnikɛ tëë diaal te cɛ lat. Thilɛ riet kɛl mi ci dueer kä rieetkɛ diaal tëë cɛ la̱t kuanydɛ ni Muthɛ.
Kä ɛ rieetkä tin palkɛ ɣä nhiam Kuɔth Nhial wëë kä Kuoth Nhial Kuothdan kɛ wäär kɛnɛ cäŋdäär, kä a lɔcdɛ kɔ̱c kɛ ja̱ŋdɛ kɛnɛ nɛɛkɛ ni ji̱ I-thɛ-rɛl, ce̱tkɛ min görkɛ ni ciaŋ.
Kɛ bädäk ni̱ni cuɛ naath jak kä wä. Kä cukɛ kuäär poth, kä cu ka wä cieeŋdɛ kɛ tɛ̈th lɔaac kɛ kui̱ gɔyni diaal tin ci Kuoth Nhial kɛ nyuɔ̱th ja̱ŋdɛ ni Dee-bid kɛnɛ nɛɛkɛ ni ji̱ I-thɛ-rɛl.