Soaala yeel-a lame: «M wʋma f sẽn pʋʋs n kos-m bũmb ninga. F sẽn me roog ning n kõ-ma m deeg-a lame n dat n puk a pʋgẽ tɩ m be ne yãmb daar fãa. M nin la m sũur na n paa ne-a, wakat buud fãa, m sẽn nong yãmba yĩnga.
m na kɩt tɩ f rɩ naam a Israyɛl zugu, wala m sẽn kãab f ba, a Daviid, m sẽn waa n yeel-a: ‹F kõn tol n kong biig sẽn na n zaoond a Israyɛl naama zaoor ye.›
m na yiis a Israyɛl m sẽn tɩ kẽes-a tẽng ningã, m na yi n bas doog ning m sẽn kẽes m mengã, la a Israyɛl na lebg a bɛɛb yelbũndi la b laado dũni wã fãa pʋgẽ.
La b na n leokame: ‹Yaa b sẽn bas Wẽnnaam, b Soaala, sẽn yiis b ba rãmba Ezipt tẽnga, n yaool n tɩ kẽ wẽn-naandse, n pʋg-ba la b waoog-ba; yaa rẽ yĩng la Soaala tool-b yel-beed kãensã.› »
Sã n ya Gezɛr, ad-y yaa Ezipt naab n waa n zab n deeg Gezɛr, n yõog a bugum, n kʋ Kanaã rãmba sẽn da be a pʋgẽ, n dɩka n kõ a bi-pugl a sẽn yiis kãadem ne a Salomo menga.
A Salomo le mee tẽns kẽere, teed bĩngr yĩnga, n paas tãb-biisi, bilim-bilm, la wed-dʋʋdba yĩnga. A saa n mee meeb a taab wala a sẽn dat Zerizalɛɛm, Libã la a sẽn da so tẽns niynsa pʋgẽ.
Yaa Ezipt dĩma bi-puglã sẽn yi Siõ na-zakã n wa kẽ ro-paalã a Salomo sẽn me a yĩnga poore, la b yaool n pids bok ning sẽn da be wẽnd dooga la a Daviid zaka sʋka, Milo bokã.
Yʋʋmd pʋgẽ yaa naoor a tã la a Salomo ra wat ne maand Soaala maan-kugra zugu, yaa yũ-nood maando la lagm-n-dɩ maando. B ra yõogda wisdu me maan-kugra zugu. Woto me la Soaala-Wẽnd daab ne b rooga pids yã.