Noyudo ka yawuot Ahab piero abiriyo odak Samaria. Omiyo Jehu nondiko barupe, mooro Samaria ni jodong dala kod joma ne pidho yawuot Ahabgo, kowacho niya,
Omiyo jaduong’ od ruoth gi jaduong’ dala kaachiel gi jodongo kod jogo mane pidho yawuowigo nooro ni Jehu wach niya, “Wan jotichni, kendo wayie timo gimoro amora miwachonwa. Ok wanaket ng’at moro obed ruoth. Tim atima gima idwaro.”
Kane gichopo Samaria, nonego jodhood Ahab duto ma nodong’ kuno, nyaka notiekogi chuth. Mano e kaka wach mane Ruoth Nyasaye owacho ni Elija nochopo kare.
Omiyo luongnauru jonabi duto mag Baal gi ji duto malame kod jodolo mage. Kik ng’ato dong’ kata achiel, nikech adwaro timo ni Baal liswa maduong’, to ng’ama obare notho!” To Jehu nowuondogi kamano mondo oneg jogo duto mane lamo Baal.
Nooro wach e piny Israel duto, mi jolam Baal nobiro maonge kata ng’at achiel modong’. Ne gidonjo e od Baal, ma ot opong’ ma onge kata kama iboloe luth.
Eka Jehu nodonjo e od Baal gi Jehonadab wuod Rekab. Nowacho ni jolam Baal niya, “Nonuru mondo une ni onge jatich Ruoth Nyasaye moro e dieru ka, to mak mana jolam Baal kende.”
Eka nochako wang’o misango kendo timo liswa. To Jehu noseketo askeche piero aboro oko, mondo orit ot, kawachonigi niya, “Ka ng’ato kuomu oweyo ng’at achiel kuom joma aseketo e lwetu otony, to en ema notho kar ng’atno!”
Kane Jehu osetieko wang’o misango, nowacho ni askechego kod jotendgi niya, “Donjuru, uneggi; kik uwe ng’ato tony!” Kane askechego kod jotendgi osenegogi, ne giwito ringregi oko. Eka ne gidonjo e od Baal maiye,
Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.