Ug gikastigo sa Ginoo si Hari Uzias ug gisanla siya hangtod nga siya namatay ug naglain siya pagpuyo didto sa usa ka balay. Si Jotam nga iyang anak maoy nangulo sa iyang panimalay ug sa katawhan sa Juda.
Sama sa iyang amahan, daotan siyag binuhatan sa atubangan sa Ginoo. Gisunod niya ang daotang mga buhat ni Jeroboam nga anak ni Nebat nga nakaangin sa Israel sa pagpakasala.
Gikan sa Tirza gipamatay ni Menahem ang mga lumolupyo sa Tapua kay wala man nila itahan ang maong siyudad ngadto kaniya. Gilakip niya pagpamatay bisan ang mga mabdos pinaagi sa pagyasyas sa ilang tiyan.
Sa ika-39 nga tuig sa paghari ni Azarias sa Juda, si Menahem nga anak ni Gadi nagsugod paghari sa Israel ug naghari siyag napulo ka tuig didto sa Samaria.
Daotan siyag binuhatan atubangan sa Ginoo sa tibuok niyang kinabuhi. Gisunod niya ang tanang daotang buhat ni Jeroboam nga anak ni Nebat nga nakaangin sa Israel sa pagpakasala.
Unya si Tiglatpiliser nga hari sa Asiria misulong sa Israel ug si Menahem mihatag kang Tiglatpiliser ug 34,000 ka kilong plata aron siya tabangan sa pagpadayon ingon nga hari sa Israel.
Ang maong bahandi gikuha ni Menahem gikan sa mga dato sa Israel pinaagi sa pagpugos sa matag usa kanila sa paghatag ug tagtunga sa kilo nga plata ngadto sa hari sa Asiria. Busa ang hari sa Asiria mipauli sa iyang nasod.
Si Peka nga anak ni Romelia ug kapitan sa iyang kasundalohan uban sa 50 ka tawo nga taga-Gilead mialsa batok kaniya. Gipatay nila siya didto sa kota sa palasyo sa Samaria ug si Peka maoy mipuli kaniya sa paghari.
Sa paghari ni Peka sa Israel, si Tiglatpiliser, ang hari sa Asiria, misulong sa mga siyudad sa Ayon, sa Abel Bet Maaca, sa Janoa, sa Kedes ug sa Hazor ug sa yuta sa Gilead, sa Galilea ug sa Neftali. Gibihag niya ang mga nagpuyo sa maong mga dapit ngadto sa Asiria.
Unya si Hosea nga anak ni Ela mialsa batok kang Peka. Gipatay niya si Peka ug siya maoy mipuli sa paghari. Nahitabo kini sa ika-20 nga tuig sa paghari ni Jotam nga anak ni Uzias.
apan wala niya gub-a ang mga halaran sa mga diosdios ug ang katawhan nagpadayon sa paghalad ug pagsunog ug insenso didto. Si Jotam maoy naghimo sa Amihanang Ganghaan sa Templo.