Garã Aza adu 20 ho ko atona zoga rago ni. Ko azogo rago Yerusarema yo tipa garã 16. Ono ko amanga nga gu pai naru aru bangiri Yekova gako Mbori, wa Dawidi nangia titako te.
Ono ko apeka kina agu apai nangia ga abakindo aYisaraere, ko amangi wiriko ko susi rogo we ni gu kere gbegberẽ sino nangia ga arikaaboro, nga agu yo Yekova ado yo ku sa yo barangba awiri aYisaraere.
Si du Resini bakindo aSurio aye na Peka wiri Remaraya bakindo aYisaraere kuti Yerusarema ni vura. I ki ru nguru kuti Aza, ono ka i arengba nga na dia be ko ya.
Si du Aza akedi asunge ti ni koyo du Tigirata-piresera ni nangia bakindo aAsuro, ki ya, “Vururo nga mi nga wiro a. Mo ye kono ka batasa re be bakindo aSurio, na be bakindo aYisaraere a, nga agu yo zubare.”
Azakirogoaguafedanadahabu i abi he rogo ga Yekova bambu yo, na rogo gu baiga kikiipaahe du rogo ga bakindo bambu yo, ki kedi he ni gamahe fu bakindo aAsuro.
Bakindo aAsuro ki gi sangbako. Bakindo aAsuro ki ndu ka so vura kuti Damaseke, ki di he, ki zi aboro ho ni zizi yo ki ga na yo ku Kiri yo. Ko ki imi Resini a.
Mo Bakindo Aza undu ni ku Damaseke yo ka ngbisa Tigiraia-piresera bakindo aAsuro, ko ki bi gu bamotumo nadu Damaseke yo Bakindo Aza ki kedi sunge kovo du Uriya boromotumo ni, na kpia gu bainotiiino re na pa ringbisa paha, na pa sunge he wa i amangi he.
Gu bamotumo sirigi naadu dimoyo bara bangiri Yekova, Aza adi he barangba bambu, vo si adu ni, dagba gako bamotumo na ga Yekova bambu, ki moi he ku nodiyo pati gako bamotumo.
Bakindo Aza ki rugu Uriya nangia boromotumo, ki ya, “Mo zo gu zozo motumo nga ga wiso ri gu bakere bamotumo, na gu motumo riahe nga ga nyemu, na ga bakindo zozo motumo, na gako motumo riahe, wa sa na gu zozo motumo nga ga aboro ringara dunduko, na gayo motumo riahe, na gayo mbirimbiri amotumo; ki migidi kure zozo motumo ku auru he dunduko, na kure amotumo dunduko. Ono bamotumo sirigi adu tipa kina re ka sana he yo.”
Bakindo Aza ki kafu abazunga ũabamaasaani ki rogo bazundati ti ni ku sa yo. Ko ki di bakere bazundati ri kpia abaabagara sirigi naadu tii he yo, ki moi he ri kpakakpaka mbia.
Ko arogo gu gene ku sa yo ti ga Yekova bambu naadu tipa rago sabiti, nga gu i akisi rihe akisa, si zungu agu abambu i adua ha dimo yo, ki gbarasi gu ga bakindo barima naadu ku zegi yo a, be gunde bakindo aAsuro.