Eliya wi'i Elisa: “Jooɗa haa ɗo, Jawmiraawo neli yam haa Baytila.” Ammaa Elisa wi'i mo: “Fakat bana Jawmiraawo o geeto e an boo a geeto, mi accataa ma sam!” Nden ɓe njahdi haa Baytila.
Fahin Eliya wi'i Elisa: “Jooɗa haa ɗo, Jawmiraawo neli yam haa Yeriko.” Ammaa Elisa wi'i mo: “Fakat bana Jawmiraawo o geeto e an boo a geeto, mi accataa ma sam!” Ɓe njahdi Yeriko.
Kadiboo Eliya wi'i Elisa: “Jooɗa haa ɗo, Jawmiraawo neli yam haa Urdun.” Ammaa Elisa wi'i mo: “Fakat bana Jawmiraawo o geeto e an boo a geeto, mi accataa ma sam!” Nden ɓe njahdi, ɓe ɗiɗo fuu.
Nde ɓe eeri, Eliya wi'i Elisa: “Tora ko a yiɗi mi waɗane, hiddeko Jawmiraawo hoo'ammi diga kommbi ma.” Elisa wi'i: “Mi yiɗi mi heɓa ruuhu ma cowi ɗiɗi.”
Eliya wi'i: “A torake huunde nde saɗante heɓugo. Ammaa to a yi'i yam wakkati Jawmiraawo ɗon hoo'ammi kommbi ma, nden kam a heɓan ko a ƴami. To naa non, a heɓataa.”
O yehi haa seeɓoore ndiyam, o rufi mannda go nder maare, o wi'i: “Ndaa nii Jawmiraawo wi'i: Mi laɓɓini ndiyam ɗa'am. Ɗam meetataa mbarugo goɗɗo e ɗam meetataa haɗugo lesdi rimugo ɓenndalooje.”