Lam watéenyan Raja Hizkia rhot bak sakét jitimoh cumuét, sakét geuhnyan bit-bit brat that rab meuninggai donya. Nabi Yesaya bin Amos geujak saweue gobnyan dan geupeugah, “ Tuhan geupeusan mangat Teungku Po neupeuberéeh banmandum urosan droeneueh, sabab Teungku Po hana jitem puléh. Hana treb le Teungku Po meuninggai donya.”
woe ubak Hizkia, raja umat Tuhan, dan geupeutrok peusan nyoe, “Ulôn, Tuhan, Po teu Allah nyang jiseumah lé Nabi Daud indatu gata, ka Lôn deungoe doá gata dan Lôn kalon ié mata gata. Ulôn kupeupuléh gata, lusa gata tajak ubak Baét Ulôn.
Geujaweueb lé Nabi Yesaya, “ Tuhan teuma geujok tanda ubak Teungku Po bahwa Gobnyan geupeupeunoh janji. Jinoenyoe, nyang toh kheueh nyang Teungku Po lakée: bubayang nibak peutunyok jeuem mata uroe nyang jipeugét le raja Ahas maju 10 garéh atawa jisurot 10 garéh?”
Lam watéenyan raja Babel, na kheueh Merodakh-Baladan bin Baladan, jideungoe bahwa Raja Hizkia banpuléh nibak sakét. Lé sabab nyan gobnyan laju geukirém ureuëng geuh keujijak ba surat dan hadiah keu Hizkia.
teuka watée jih banmandum keukayaan nyang na lam meuligoe gata meunan cit banmandum nyang ka jipeusapat lé indatu gata sampoe uroenyoe, jiba u Babel. Hana nyang tinggai.
Geujaweueb lé Raja Hizkia, “Gét that cit peusan Tuhan nyang droeneueh peutrok keu ulôn.” Gobnyan geujaweueb lagée nyan sabab geupike: “Asal keurajeuen ulôn teutab aman dan damé simantong ulôn udeb.”