|
| 1 |
|
| Iok-se-a chē-ūi ê sî poeh hè, tī Iâ-lō͘-sat-léng choh-ông saⁿ-cha̍p-it nî; i ê lāu-bú kiò-chòe Iâ-tí-tāi, sī Pho-su-ka -lâng A-tāi-ngá ê cha-bó͘-kiáⁿ. |
|
| 2 |
|
| I chòe Siōng Chú khòaⁿ-chòe hó ê sū, kiâⁿ i ê chó͘-sian Tāi-pi̍t ê lō͘, bô phian-chó-phian-iū. |
|
| 3 |
|
| Iok-se-a -ông tē-cha̍p-poeh nî, i phài Bí-su-lân ê sun, A-sat-lī-ngá ê kiáⁿ su-kì Sa-hoan khì Siōng Chú ê tiān, hoan-hù i kóng, |
|
| 4 |
|
| “Lí khì kìⁿ tōa-chè-si Hi-le̍k-ka, chhiáⁿ i chiong sèng-tiān mn̂g-kháu ê siú-ōe tùi jîn-bîn siu--lâi, tòa-ji̍p Siōng Chú sèng-tiān hiah-ê gûn, tiám-sǹg chheng-chhó, |
|
| 5 |
|
| kau hō͘ koán-lí Siōng Chú sèng-tiān ê lâng, hō͘ in choán-kau Siōng Chú tiān-lāi ê kang-lâng, chiū-sī choh-ba̍k sai-hū, kiàn-tio̍k kang-lâng, kap thô͘-chúi sai-hū, khì bóe chhâ-liāu kap keh-keng ê chio̍h, thang siu-lí sèng-tiān sún-hoāi ê só͘-chāi. |
|
| 6 |
|
|
|
| 7 |
|
| M̄-kú m̄-bián kap hoat kang-chîⁿ ê lâng tùi-siàu, in-ūi in chòe tāi-chì sêng-si̍t.” |
|
| 8 |
|
| Tōa-chè-si Hi-le̍k-ka tùi su-kì Sa-hoan kóng, “Góa tī Siōng Chú sèng-tiān lāi-bīn hoat-kiàn chi̍t kńg lu̍t-hoat ê chheh.” Hi-le̍k-ka chiong chheh kau hō͘ Sa-hoan, Sa-hoan chiū tha̍k hit-kńg chheh. |
|
| 9 |
|
| Su-kì Sa-hoan khì kìⁿ ông, hôe-ho̍k ông kóng, “Lí ê po̍k-jîn í-keng chiong tiān-lāi ê gûn piàⁿ--chhut-lâi, kau hō͘ koán-lí Siōng Chú sèng-tiān ê lâng.” |
|
| 10 |
|
| Su-kì Sa-hoan koh tùi ông kóng, “Tōa-chè-si Hi-le̍k-ka ū the̍h chi̍t kńg chheh hō͘ góa.” Sa-hoan chiū tī ông ê bīn-chêng tōa-siaⁿ tha̍k hit-kńg chheh. |
|
| 11 |
|
| Ông thiaⁿ-tio̍h Lu̍t-hoat-su ê ōe, chiū thiah-li̍h i ê saⁿ. |
|
| 12 |
|
| Ông hoan-hù tōa-chè-si Hi-le̍k-ka, Sa-hoan ê kiáⁿ A-hi-kam, Bí-kai-a ê kiáⁿ A-kek-pho, su-kì Sa-hoan, kap ông ê jîn-sîn A-sat-ngá, kóng, |
|
| 13 |
|
| “Lín khì, ūi góa kap choân-thé Iû-tāi jîn-bîn, chiong só͘ hoat-kiàn chit-kńg chheh ê ōe chhéng-būn Siōng Chú. In-ūi lán ê chó͘-sian bô thiaⁿ-thàn chit-kńg chheh ê ōe, bô chiàu só͘ kì-chài tùi lán ê kà-sī khì chòe, só͘-í Siōng Chú tùi lán hoat tōa siū-khì.” |
|
| 14 |
|
| Tùi án-ni, tōa-chè-si Hi-le̍k-ka, kap A-hi-kam, A-kek-pho, Sa-hoan, A-sat-ngá, chòe-hé khì kìⁿ lú sian-ti Hō͘-le̍k-tāi. I sī koán-lí lé-ho̍k hit-ê Sa-liông ê bó͘; Sa-liông sī Hap-ní-hap-su ê sun, Te̍k-óa ê kiáⁿ. Hō͘-le̍k-tāi tòa tī Iâ-lō͘-sat-léng sin ê siâⁿ-khu. In kā i chhéng-kàu. |
|
| 15 |
|
| I tùi in kóng, “Siōng Chú — Í-sek-lia̍t ê Siōng-tè án-ni kóng, ‘Lín khì hôe-ho̍k chhe lín lâi kìⁿ góa ê lâng, kā i kóng |
|
| 16 |
|
| Siōng Chú án-ni kóng: Góa beh chiàu Iû-tāi -ông só͘ tha̍k hit-kńg chheh ê ōe, kàng chai-hō tī chit-ê só͘-chāi kap chia ê chū-bîn. |
|
| 17 |
|
| In-ūi in khì-sak góa, kā pa̍t-ê sîn-bêng sio-hiuⁿ, ēng in ê só͘-chòe kek góa siū-khì, só͘-í góa tùi chit-ê só͘-chāi hoat tōa siū-khì bô-soah.’ |
|
| 18 |
|
| M̄-kú chhe lín lâi chhéng-būn Siōng Chú ê Iû-tāi -ông, lín tio̍h án-ni tùi i kóng, ‘Siōng Chú — Í-sek-lia̍t ê Siōng-tè án-ni kóng: Lí thiaⁿ-tio̍h |
|
| 19 |
|
| góa beh hō͘ chit-ê só͘-chāi pha-hng, hō͘ chia ê chū-bîn siū chiù-chó͘, lí chiū chhàm-hóe, tī Siōng Chú bīn-chêng khiam-pi, koh thiah-li̍h saⁿ, tī góa ê bīn-chêng thî-khàu, góa ū thiaⁿ--tio̍h. Siōng Chú kóng: |
|
| 20 |
|
| Só͘-í góa beh hō͘ lí pêng-an lī-khui sè-kan, tńg-khì lí ê lia̍t-chó͘ hia. Lí bōe khòaⁿ-tio̍h góa só͘ beh kàng-lo̍h tī chit só͘-chāi it-chhè ê chai-hō.’” In chiū tò--khì, chiong chiah-ê ōe tùi ông hôe-ho̍k. |
|
|
|
|