Di tɛm we Jɛoyakim bin de rul as kiŋ, Kiŋ Nɛbyukadnɛza na Babilɔn go atak in kɔntri, ɛn mek Jɛoyakim de pe taks to am fɔ tri ia. Bɔt wande Jɛoyakim chenj in maynd ɛn nɔ gri pe.
PAPA GƆD sɛn di Babilonian dɛn, di Moabayt dɛn ɛn di Amonayt dɛn fɔ atak Juda ɛn pwɛl di siti. Ɔl dis bi fɔ lɛ wetin PAPA GƆD in prɔfɛt dɛn bin dɔn tɔk bi.
mɔ lɛk we i bin de shɛd inosɛnt blɔd. Manasɛ bin jɛs de kil pipul dɛn fitifata ɛn mek di wanol Jerusɛlɛm ful-ɔp wit blɔd; dat mek PAPA GƆD nɔ gri fɔgiv am.
Di Kiŋ na Ijipt ɛn in sojaman dɛn nɔ kɔmɔt na Ijipt igen bikɔs na di kiŋ na Babilɔn naw bin de kɔntrol ɔl di eria we na Ijipt bin gɛt fɔs, dat na frɔm Riva Yufretis te rich di bɔda na di nɔth pat na Ijipt.
Kiŋ Jɛoiakim o, in mama o, in wokman dɛn o, in bigman dɛn o, ɛn ɔl in ɔfisa dɛn an dɛnsɛf oba to Nɛbyukadnɛza. Di ia we mek Nɛbyukadnɛza etin ia we i bi kiŋ na Babilɔn, na da ia de i kapchɔ Jɛoiakim.
Lɛkɛ aw PAPA GƆD bin dɔn se nɔmɔ, na so Nɛbyukadnɛza klia ɔl di dia tin dɛn we bin de na PAPA GƆD in os ɛn di kiŋ in os na Juda. I klia ɔl di gold we Kiŋ Sɔlɔmɔn bin put na PAPA GƆD in os.
Kiŋ Nɛbyukadnɛza kech ɔlman na Jerusɛlɛm kɛr dɛn go na Babilɔn, di ɔfisa dɛn o, di sojaman dɛn o, wit di man dɛnsɛf we sabi mek ats ɛn kraft, na dɛn ɔl i kɛr go na Babilɔn. Na tɛn tawzin man i kɛr. Na dɛn po po wan dɛn nɔmɔ i lɛf na Jerusɛlɛm.
Zɛdikaya bin ol twɛnti-wan ia we i bi kiŋ na Juda, ɛn i rul na Jerusɛlɛm fɔ ilɛvin ia. In mama na Amutal we na Jɛrimaya in gyal pikin ɛn na Libna i kɔmɔt.