Yekova ki kedi arikavura nga ga aKasado yo, na arikavura nga ga aSurio yo, na arikavura nga ga aMoabo yo, na arikavura nga ga aAmono yo, ki kedi yo kuti Yuda i gbarasi he, kuti gu sangba Yekova ko agumba ha ku ngba gako amoyambu nangia anebi.
Agi apai re aye ku ri aYudo ni rengo be sangba Yekova, ka roga yo ku sa yo bara bangiriko, bambiko gu ingaapai nga ga Manase, kina kuti agu apai ko amangi dunduko;
Ka bakindo aEzipeto akura nga berewe rogo ringara Ezipeta ya, bambiko bakindo aBabero arogo agu ahe dunduko nga ga bakindo aEzipeto tona ti gu Di nga ga Ezipeta sa gu di nga Ferata.
Yoyakina bakindo aYudo ki kuru ka ndu koyo du bakindo aBabero ni, ko na nako a, na avuruko, na gako abazogo, na gako abarumbatayo a. Bakindo aBabero ki ga na ko ni zizi ko ho garã gako zogarago adu ni muambi.
Ko ki ga na gu kikiipaahe dunduko naadu rogo ga Yekova bambu, na gu kikiipaahe naadu rogo ga bakindo bambu, ki dewe agu aũsunge rukutu du ni dahabu dunduko, naadu rogo ga Yekova yekaru yo, Soromo bakindo aYisaraere amangi he, a wa Yekova agumba ha mbata.
Ko ki rogo aboro dunduko Yerusarema yo, na abazogo dunduko, na gu ngangarã aboro du, ni zizi yo, wa aboro 10,000, na abangbasia birĩ sunge na apangu dunduko. Boro anye nga yo wa sa te, kpara kina gu ngbatunga rungorungo aboro rungo arungo ki susi, nga ga ringara yo.
Ko ki ye na Yoyakina ku Babera yo; na na bakindo, na adia bakindo, na gako abarumbatayo, nga ngangarã aboro ringara. Ko azi yo ni zizi yo Yerusarema yo, ki ga na yo ku Babera yo.
Bakindo aBabero ki ndu na ngangarã aboro dunduko ni zizi yo ku Babera yo, wa aboro 7,000, na abangbasia birĩ sunge na apangu wa 1,000, nga agu yo naadu dunduko ni nyanyaki aboro rengbe tipa so vura.
Bambiko pai aye ku Yerusarema yo na ku Y uda yo be ga Yekova zinga, daho ko abafu yo ni ku sa yo bara bangiriko. Sedekiya ki sa mungu kuti bakindo aBabero.