Bada, Mesac Moabeco erreguec arthalde hainitz hazten çuen, eta Israelgo erregueri pagatzen ciozcan ehun mila bildots eta ehun mila ahari beren ileequin.
Eta Judaco erregue Josafaten gana igorri çuen, cioelaric: Bihurtu çait Moabeco erregue; haren contra gudura çato enequin. Hunec ihardetsi çuen: Ethorrico naiz; enea dena çurea da, ene populua çure populua da, ene çaldiac çure çaldiac dira.
Beraz Israelgo erregue, Judaco erregue eta Edomgo erregue goan ciren, eta çazpi egunez bideaz inguruan jo çuten, eta uric etzen armadarençat eta hequiei jarraiquitzen ciren aciendençat.
Eta Josafatec erran çuen: Ez othe da hemen Jaunaren profetaric, haren bidez Jaunaren errequeitzeco? Eta Israelgo erregueren cerbitzarietaric batec ihardetsi çuen: Hemen da Eliseo, Saphaten semea, ura Eliasen escuetara ixurcen çuena.
Eliseoc ordean erran çaroen Israelgo erregueri: Cer ikusteco da çure eta ene artean? çoaz çure aitaren eta amaren profetetara. Eta Israelgo erreguec erran çaroen: Certaco Jaunac bildu gaitu hirur erregue hauquiec, Moaben escuetara arthiquitzeco?
Eta Eliseoc ihardetsi çaroen: Bici bedi armadetaco Jauna, ceinaren aitzinean bainaiz. Judaco erregue Josafaten beguitharteari ahalquea ematea içan ez balitz, ez narotzun segur beharria emanen, ez-eta beguiratuco ere ez narotzun.
Ecen hau dio Jaunac: Ez duçue ikusico ez haiceric, ez uriric, eta erreca hau urez betheco da, eta edanen duçue, çuec, eta çuen muthilec, eta çuen abereec.
Eta xahutuco ditutzue hiri hazcartu guciac, eta hiri hauta guciac; ebaquico ditutzue fruitutaco çuhamu guciac, tapatuco ditutzue ithurriac oro, eta landa on guciac harriz estalico ditutzue.
Eta goan ciren Israelgo campetara. Bada Israel jaiqui cen eta Moab jo çuen, eta Moabitarrec Israeldarren aitzinean ihes eguin çuten. Garaitiatrac ethorri ciren beraz, eta xahutu çuten Moab-herria.
Herraustu cituzten hiriac; harriac batbederac arthiquiz, landa hoberenac oro bethe cituzten; tapatu cituzten ithurri guciac; ebaqui cituzten fruitutaco çuhamu guciac, halaz non lurrezco harrasiric baicic ez baitzen xutic guelditu; eta hiria inguratua içan cen habalariez, eta çathi handi batean joa.
Moabeco erreguec ikusi çuenean hori, erran nahi da etsaiac nausitu cirela, hartu cituen ezpata cerabilcaten çazpi ehun guiçon, Edomgo erregueri jauz citecençat, eta ecin eguin çuten.
Orduan harturic bere seme çaharrena, bere ondotic erreguinatzecotan çuena, harrasiaren gainean holocaustetan escaini çuen; eta buhacaizdura handi bat jauci cen Israelen, eta berehala Israeldarrac urrundu ciren haren ganic, eta beren lurrera bihurtu ciren.