Nwunyẹ onyẹ ohu rị itu ndị-amụma kwanburuhẹ Ẹlaịsha, sị a, “Odibo i wụ di m a nwụnhụngụọ. Y'a marịnghọ n'ọ gbaye Osolobuẹ ọda-ọda. Kanị, onyẹ o gi ụgwọ lala nwan d'e weri ụmụ m ikẹnnyẹ ẹbụọ n'o gi wẹ họnrin igbọn ẹ.”
I kpọnhẹngụ wẹ, y'a ban imẹ ụnọ, kpọkin enwẹn i lẹ ụmụ ị ikẹnnyẹ ye imẹ ụlọ. Huyemẹ ofugbọn-olivu nta hụ i nwọn imẹ ẹkpoko ndị ahụn, hụn junni ụnụ e bu ẹ che ụsụọ.”
Ụhụọhịn ohu, Ẹlaịsha nọ jẹn obodo Shunẹm. Okpoho ohu wụ ọdanfịn bi ebẹhụ nọ rịọ a ọda-ọda n'ọ nọdị ri ihiẹn-oriri; ya k'ọ nọ mẹ ni ogẹn ọwụlẹ Ẹlaịsha ghapụha, ọ banye d'e ri ihiẹn-oriri.
Ogẹn o gi ru ebe odibo Osolobuẹ wụ Ẹlaịsha rị, ọ nọ fiedọn ẹ ụkụ. Gẹhazi nọ bịa n'o nupụ a. Kanị odibo Osolobuẹ nọ sị a, “Hapụ a ye! O nwọn ihiẹn rị a fụn'a ọda-ọda, kanị Osolobuẹ zuemẹni m'ẹ, Osolobuẹ eke gwa m ihiẹn ọ wụ.”
Ẹlaịsha nọ sị Gẹhazi, “Fa ẹwuru i ye ukun ọhụnma n'ọ n'ị gba ọsọ, y'e weri ọkpọ m, gbama ọsọ. I hụn ịhịan ụzọ, akụsịkwọlẹ n'i kele ẹ; onyẹ kele i, ekwelẹ. I ru ẹ, y'e bu ọkpọ m nị kwasị nwata hụ ihun.”
O nyinrin bẹdi ahụn, dinẹkwasị nwa-ndu ahụn, bu ọnụ a che ẹ ọnụ, bu ẹnya a che ẹ ẹnya, tịnpụ ẹka ẹbụọ kwasị a ẹka ẹbụọ. Hụn ahụn ọ tịnpụ enwẹn ẹ kwasị a, ẹhụ nwa-ndu hụ nọ kpọnmẹ ọkụn.
Ogẹn Ẹlaịsha gi lụakinhẹn Gil'galụ, ụnwụn rị a mụ ẹgbẹrẹ hụ. Ebe ya lẹ itu ndị amụma rị e zu, ọ nọ sị odibo ẹ, “Bu ite hi-ogbe che ọkụn n'i gbuni ndịnị awaị.”
Onyẹ ohu imẹ wẹ nọ shi ọfịa d'a kpa mkp'ẹhụhụọ. Ọ nọ hụn vaịnị-ọfịa. Ọ nọ tụtụ ogbe vaịnị-ọfịa, tụtụjun ẹwuru ẹ. Ọ lụaha, ọ nọ ja wẹ ye imẹ ite, onwọnni onyẹ marịn nị.