Ang mga Filistihanon nakiggubat sa mga Israelita didto sa Bukid sa Gilboa. Nabuntog ang mga sundalo sa Israel ug nanagan sila samtang daghan kanila ang nangamatay didto sa Bukid sa Gilboa.
Unya miingon si Saul sa tigdala sa iyang hinagiban, “Dunggaba ako sa imong espada aron dili ako bugalbugalan niining mga tawong walay tuli.” Apan midumili ang tigdala sa iyang hinagiban tungod sa kahadlok busa gikuha ni Saul ang iyang kaugalingong espada ug nag-unay siya.
Ug sa pagkakita sa tanang katawhan sa Israel nga didto nagpuyo sa walog nga patay na si Saul ug ang iyang mga anak, nanagan sila ug gibiyaan nila ang ilang mga siyudad ug ang mga Filistihanon mao nay namuyo didto.
Sa pagkaugma sa dihang gisusi sa mga Filistihanon ang mga patay, nakaplagan nila ang mga patayng lawas ni Saul ug sa iyang mga anak didto sa Bukid sa Gilboa.
Gihuboan ug gilunggoan nila sa ulo si Saul ug gikuha nila ang iyang hinagiban. Unya nagsugo silag mga mensahero sa pagsuroy sa tibuok Filistia aron pagsangyaw sa maayong balita ngadto sa ilang diosdios ug sa katawhan.
ang mga maisog kanila miadto ug gikuha nila ang patayng lawas ni Saul ug sa iyang mga anak ug ilang gidala ngadto sa Jabes. Gilubong nila ang ilang mga bukog ilalom sa usa ka kahoyng tugas ug nagpuasa sila sulod sa pito ka adlaw.