Koleenji anyun Saulo chiito ne ki ipchin ineendet kariik, “Ng'usu rotweng'ung' po chok ak itoorena, si ma pwa pichooto chu ma kimuratan kochota.” Ago ma cham chiito ne ki ipchin kariik; amu ki iywei miising'. Konam anyun Saulo rotwennyi po chok, kong'at ak kobutyi.
Kingo keer piik tugul che po Israel che ki mi atebweet kole, “Kagomwei lugeet ak ko kagome Saulo ak weeriikyik, kometo nganasookwak ak komwei. Ak ki pwa Philistiik komeny nganasochooto.”
kong'eetyo piik tugul che nyigoonen, ak koba koip poortap Saulo ak che po weeriikyik, ak koip kobwa Jabes. Kitup kawekwak eng' keetit keel eng' Jabes, ak korugutkei peetuusyek tisap.
Ki me anyun Saulo amu chalwoktanyi ne ki ingelelji Kamuktaindet ne Toroor, ak amu ng'olyootap Kamuktaindet ne Toroor ne ma riip; ak amu kiteep ng'omnateet kogeny eng' ineendet ne kiboisyee oik, koteepse,