Kane jo-Israel mane odak e holo oneno ni jolweny oseringo, kendo ni Saulo gi yawuote josetho, ne gibolo miechgi kanyo, mi gin bende ne giringo. Bang’e jo-Filistia nobiro, modak e miergo.
Ne gidedo Saulo, kendo ne ging’ado wiye, mi gikawo gige mag lweny. Eka ne gioro joote e piny Filistia duto, mondo oter wach maberno ni nyisechegi, kendo ni jopinygi.
Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.