×

Biblia Ande Chib Romani 2018

1 Chronicles 11

1
Sa e llene katar e viche e Israeleke avile kai o David ando Jebron, ta phende leke: Amen sam che kokala ta cho mas,
2
ta kana o Saul charoila, tu sana gua kai inllarela e Israele po maripe. Ta i o Del phenda chuke kai tu ka inllare leke foro ta ka gazdari pe lete.
3
Ondaka sa e phure katar o Israel avile kai o charo ando Jebron, ta angla o Del achile pe orba e Davidea. Ta von thode le charo katar o Israel, prema o alav kai o Del diaia e Samuele.
4
O David llelo sa e foria katar o Israel ando Jerusalem kai si o Jebus, ta e jebuseura zivina ande goia phuv.
5
Ta e llene katar o Jebus phende e Davideke: Tu ni ka de kate. A o David lia o foro zidome katar o Sion, kai si o foro e Davideko.
6
Ta o David phenda: O purvo lleno kai ka chalavel e jebuseonen ka avel o mai baro gazda. Ta o purvo lleno kai chalada e jebuseonen saia o Joab chavo katar o Seruia, ta thode le gazda.
7
Ta o David zivisarda ando foro zidome, goleke ikharde le o Foro e Davideko.
8
O David vazdia o foro truial katar o Milo llik kai o zido. Ta o Joab vazdia pale so achila katar o foro.
9
Ta o David cherdola mai zuralo suako drom mai but, ta o Del kai si le sa e zor, pomozila le.
10
Gala si e boñikura mai tromane katar o David kai pomozisarde le ande leki charoina sa e israelitonenchar, te cheren le charo prema o alav e Devleko.
11
Gala si e boñikura mai tromane kai saia e Davide, o Jasobeam chavo katar o Jakmoni, kai saia gazda pe tranda boñikura. Vou iek drom pe jarniea mundarda trin stotine llenen.
12
Mapalal letar saia o Eleazar chavo katar o Dodo o ajojita, kai saia iek katar e trin mai tromane katar o David.
13
Vou saia e Davidea ando Pas Damim kana e filisteura chidinaile te marenpe. Kote saia iek umal pherdi sebada, ta kana e boñikura nasle angla e filisteura,
14
von thodepe po maskaral katar e umal te arakhel la. Ondaka o Del cherda te dobin e filisteonen.
15
Iek drom trin katar e tranda murusa mai tromane avile te dikhen e Davide ande pechina katar o Adulam. E filisteura sea logle ande bari umal katar o Refaim.
16
O David saia ando foro zidome ta e boñikura filisteura sea chidine ando Belen.
17
Ta o David phenda: ¡Gia sukar avela vareko te del man te piav pai katar o bunari kai si ando Belen pasa o udar e foroko!
18
Ondaka trin katar e tromane die ando pero katar e filisteura ta ikande pai katar o bunari kai saia pasa o udar e foroko, ta ande le e Davideke. A vou ni kamla te piel ta chudia le pe phuv e Devleke, ta phenda:
19
¡Te arakhel man o Del te na piav katar gava pai! Avela sargo te piav lengo rat. ¿Sar ka piav o pai kai ande le e murusa kai thode po zivoto ande bari dar te sai anen le mange? Ta ni kamla te piel. Gaia bari ezgoda cherde la e trin boñikura tromane.
20
Ta o Abisai o phlal katar o Joab, saia o gazda maskar e tranda tromane. Vou mundarda pe lansaia trine stotine llenen, ta cherdilo but glamno e trine tromanenchar.
21
O Abisai saia o mai baro maskar e tranda ta cherdilo lengo gazda, a ni saia sargo e trin mai tromane.
22
Mapalal letar, o Benaias chavo katar o Joiada kai saia chavo katar iek lleno tromano katar o Kabseel kai cherela bare ezgode, mundarda duie moabitonen tromane sargo lionura. Mapalal isto vou fulisto ando bunari ta mundarda iekhe liono iek llive kana perela o iv.
23
Ta i mundarda iekhe ejipsio but baro kai sea le dui pole lungimatar. Lete saia iek lansa sargo kas kai ulin pe lete o chiti, a o Benaias mardape lea iekhe kastea. Lia katar o ejipsio e lansa ta mundarda le laia.
24
Gua cherda le o Benaias chavo katar o Joiada, ta cherdilo baro maskar e tranda tromane.
25
O Benaias saia pinllardo maskar e tranda, a ni saia sargo e trin mai tromane. Ta o David thoda le gazda katar e boñikura kai arakhena le.
26
E tromane sea, o Asael phlal katar o Joab, o Eljanan chavo katar o Dodo katar o Belen,
27
o Samot jarodita, o Jeles pelonita,
28
o Ira chavo katar o Ikes katar o foro o Tekoa, o Abiezer katar o Anatot,
29
o Sibekai jusatita, o Ilai ajojita,
30
o Maarai netofatita, o Jeled chavo katar o Baana, i vou netofatita,
31
o Itai chavo katar o Ribai katar o Gabaa kai saia ande phuv katar o Benjamin, o Benaias katar o Piraton,
32
o Jurai katar o pai o Gaas, o Abiel o arbatita,
33
o Azmavet katar o Bajarum, o Eliajba o saalbonita,
34
e chave katar o Jasen o gizonita, o Jonatan chavo katar o Sage o ararita,
35
o Ajiam chavo katar o Sakar i vou ararita, o Elifal chavo katar o Ur,
36
o Jefer o mekeratita, o Ajias o pelonita,
37
o Jesro katar o Karmel, o Naarai chavo katar o Esbai,
38
o Joel phlal katar o Natan, o Mibjar chavo katar o Agrai,
39
o Selek o amonita, Najarai katar o Berot kai pomozila e Joabe chavo katar o Seruia,
40
o Ira katar o Jatir, o Gareb i vou katar o Jatir,
41
o Urias o jitita, o Zabad chavo katar o Ajlai,
42
o Adina chavo katar o Siza o rubenita, gazda katar e rubenitura ta tranda murusa lea,
43
o Janan chavo katar o Maaka, o Josafat o mitnita,
44
o Ozias o astarotita, o Sama ta o Jeiel chave katar o Jotam katar Aroer,
45
o Jediael chavo katar o Simri ta leko phlal o Joja o tizita,
46
o Eliel o majavita, o Jerebai ta o Josavia chave katar o Elnaam, o Itma o moabita,
47
o Eliel, o Obed ta o Jaasiel o mesobaita.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes