Dayon nagpahibalo sia sa tanan nga mga tawo sang Israel nga nagtipon didto, “Kon luyag kamo kag kon amo ini ang kabubot-on sang Ginoo nga aton Dios, magpadala kita sing mga mensahero sa iban naton nga mga kasimanwa, kag sa mga pari kag mga Levita sa ila mga banwa, kag singganon sila sa pagtipon diri upod sa aton.
Gani, gintipon ni David sing tingob ang mga tawo sang Israel gikan sa bug-os nga pungsod halin sa dulonan sang Ehipto sa nabagatnan pakadto sa Alagyan sang Hamat sa naaminhan. Nagtipon sila sa pagdala sang Kaban sang Kasugtanan halin sa siudad sang Kiryat-jearim pakadto sa Jerusalem.
Si David kag ang mga tawo sang Israel nagkadto sa siudad sang Baala, nga amo ang siudad sang Kiryat-jearim, sa kadutaan sang Juda, sa pagkuha sang Kaban sang Kasugtanan sang Dios, nga nagarepresentar sang ngalan sang Ginoo nga ang iya trono yara sa ibabaw sang mga kerubin.
samtang si David kag ang tanan nga mga tawo sang Israel nagsaot sa bug-os nila nga kusog sa pagpasidungog sa Dios. Nagkanta sila kag nagtukar sang mga arpa, mga bombo, mga platilyos, kag mga trumpeta.
Sa gilayon naakig ang Ginoo kay Uza, kag ginpatay sia sang Ginoo, tungod kay gintandog niya ang Kaban sang Kasugtanan. Didto napatay sia sa atubang sang Dios.