Ka bɛ daa zaŋ Naawuni Daalikauli Adaka maa ti zali Naa Dauda ni daa ti suɣ’ shɛli zal’ li la puuni, ka daa mali bɛ ni zaŋdi sara shɛli nyɔri buɣim la mini suhudoo sara ti Naawuni.
O daa lan zali Lɛvinim’ maa shɛba ni bɛ nyɛ bɛn yɛn su Yawɛ Alikauli Adaka maa tuma, ka suhiri Yawɛ ŋun nyɛ Izraɛlnim’ Naawuni ŋɔ ka puhir’ o ka paɣir’ o.
Asaf n-daa nyɛ bɛ kpɛma, ka bɛn daa dol’ o nyaaŋa nyɛ Zakaria mini Jɛiɛl ni Shɛmiramɔt ni Jɛhiɛl ni Matitia ni Ɛliab ni Bɛnaaya ni Obɛdɛdom ni Jɛiɛl bɛn daa nyɛ mɔɣilo mini goonjɛŋmɛriba la. Asaf n-daa nyɛ ŋun yɛn ŋmɛri guŋgombihi din mali chaɣisa la,
ka daa lan nyɛ bɛn dari gindi tinsi, n-kpe zuliya shɛli ni n-yi n-chaŋ ti kpe zuliya shɛli ni ni n-kpe na’ so tiŋ’ ni n-yi n-chaŋ ti kpe na’ so tiŋ’ ni maa zaa yoli,
Lan yɛlimiya, “Naawuni ŋun nyɛ ti tiligira ŋɔ, fam ti. Yihim’ ti zuliya kam ni na n-laɣim ti na nti tiligi ti, ka ti paɣir’ a yuli din be kasi ŋɔ, ka paɣir’ a ni jilima,
Ka bɛ kul maani bɛ ni zaŋdi sara shɛli nyɔri buɣim la bɛ ni nyɔr’ li buɣim bimbin’ shɛli zuɣu la n-tiri Yawɛ asiba mini zaawuni sahakam kaman di ni sabi Yawɛ fukumsi zaligu shɛl’ o ni daa zaŋ ti Izraɛlnim’ la puuni shɛm.
Hɛman mini Jɛdutun n-daa nyɛ bɛn piɛbiri kikahi ka ŋmɛri guŋgombihi din mali chaɣisa ni biŋkumdi shɛŋa din pahi n-yiini yila din be kasi la. Ka bɛ daa pii Jɛdutun bidibisi n-leei dunɔguliba.