Ɛn Devid tek wan tawzin chariɔt ɛn sɛvin tawzin man dɛn we de rayd ɔs, wit twɛnti tawzin sojaman dɛn we de waka bay fut nain an; ɛn Devid kɔt kɔt ɔl di ɔs dɛn we de drɔ chariɔt, dɛn mɔsul biɛn dɛn fut, bɔt i lɛf wan ɔndrɛd ɔs we go du fɔ drɔ wan ɔndrɛd chariɔt.
Nain Devid bil barik na Siria we de na Damaskɔs; ɛn di Sirian dɛn tɔn Devid in slev dɛm ɛn dɛn bin de pe taks to am. PAPA GƆD bin de mek Devid win ɛnisay we i go.
Devid tek bɔku bɔku bras kɔmɔt na Tibat ɛn Kɔn we na Adadeza in siti dɛn; na im Sɔlɔmɔn yuz fɔ mek di bras si, di pila dɛn ɛn di bras tin dɛn we dɛn de yuz na PAPA GƆD in os.
i sɛn in bɔypikin we nem Adoram to kiŋ Devid fɔ tɛl am adu, ɛn fɔ prez am bikɔs i dɔn fɛt Adadeza ɛn bit am; bikɔs Adadeza kin de fɛt Tɔy plɛnti tɛm. Ɛn i sɛn ɔl kayn gold, silva ɛn bras tiŋs dɛn fɔ am.
ɛn na Bɛnaya we na Jeoayda in bɔypikin, bin de oba di Chɛrɛtayt ɛn di Pɛlɛtayt dɛm, ɛn na Devid in bɔypikin dɛm na bin di siniɔ ɔfisa dɛm na di kiŋ in savis.