Waray kaiha ginsulong na liwat ni David an mga Filisteohanon ngan ginpirde hira ni David. Naagaw ni David an syudad han Gat ug an mga higrani nga baryo.
Kahuman, ginsulong ni David hi Hadadeser nga hadi han Soba, harani han katunaan han Hamat, kay karuyag ni Hadadeser hin pag-agaw han katunaan didto ha iraya han Salog Eufrates.
Naagaw ni David in harani 1,000 nga mga karuwahe, 7,000 nga mga dikabayo nga sondalo, ug 20,000 nga mga baktas nga sondalo. Ginpili niya in mga kabayo nga igo hin usa ka gatos nga mga karuwahe ngan an iba nga kabayo iya pinamiangan.
Katapos nagtindog hi David hin mga kampo hin kasondalohan didto han ira katunaan, nasakop hira ni David ngan nagbayad ha iya hin mga buhis. Ginpadaog han Ginoo hi David ha ngatanan nga dapit.
Ginkuha liwat niya in kadam-an nga mga bronse tikang ha Tebat ug Cun, mga syudad ha ginhadian ni Hadadeser. (Ginamit ni Solomon ini nga bronse hin paghimo han tangke, han mga harigi, ug han mga bronse nga garamiton para han Templo.)
Sanglit ginsugo niya hi Joram nga iya anak hin pagpahalipay kan Hadi David ngan pagpasidungog ha iya kay ginpirde man niya hi Hadadeser nga nakadamo na pakiawayi ni Toi. Gindad-an ni Joram hi David hin mga regalo nga hinimo hin bulawan, salapi, ug bronse.
Iginhalad ini ni Hadi David nga mga garamiton hin pagsingba, upod an salapi ug bulawan nga iya nakuha didto han mga nasod nga iya napirde—an Edumea, Moab, Amon, Filistia, ug Amalec.
Nagtindog hiya hin mga kampo hin kasondalohan ha bug-os nga katunaan han Edumea ngan nasakop niya an mga tawo didto. Ginpadaog han Ginoo hi David ha ngatanan nga dapit.