Dawidi ki zi angbagidavura be ko 1,000, na abanduri afarasi 7,000, na aborovura ni ndue 20,000. Dawidi ki kafu gbaga ndu afarasi ngbagidavura dunduko, ono ko aka kuti agu ra dagba ra arengbe na angbagidavura 100.
Dawidi ki mamoi gbata abanzengere Suria yo nga ga Damaseke, aSurio ki du ni avuru Dawidi, ki niye na rúhe fu ko. Yekova ki nifu diabese fu Dawidi yo ko anandu ku ho ni.
Tou ki kedi Adorama nangia wiriko koyo du Bakindo Dawidi ni ka paa kuti ko, ka tambua ko, bambiko ko aso vura na Adadezere ki mangi ko; bambiko Adadezere anaso vura aso na Tou. Dungu ngbatunga aúsunge nga ga dahabu na feda na sirigi ko akedi he;
Bakindo Dawidi akpara agu ahe re fu kina Yekova, wa sa na agu afeda na adahabu nga gu ko arogo be arikaaboro dunduko, be aEdome, na be aMoabo, na be awiri Amona, na be aFereseto, na be aAmareko.