×

BIBULIYA ENTUKUVU

1 Ebyomumirembe 2

1
Bano be batabani ba Yisirayeli: Rubeni, Simewoni, Leevi, Yuda, Yissakari, Zebuluni,
2
Daani, Yozefu, Benyamiini, Nafutali, Gaadi ne Aseeri.
3
Batabani ba Yuda: Eri, Onani ne Sela. Bano abasatu baamuzaalirwa Bati-Suwa, omukazi Omukanaani. Naye Eri, omuggulanda wa Yuda yali mwonoonyi mu maaso g'Omukama, Omukama n'amutta.
4
Tamari, mukaamwana wa Yuda, yamuzaalira Perezi ne Zeraki. Awamu Yuda yalina batabani be bataano.
5
Batabani ba Perezi: Kezuroni ne Kamuli.
6
Batabani ba Zeraki: Zimuri, Etani, Emani, Kalukoli ne Dara. Bonna awamu bataano.
7
Mutabani wa Karumi: Akari, eyaleetera Yisirayeli omutawaana ng'amenya ekiragiro ku bintu ebyali bisaliddwa okuzikirizibwa.
8
Mutabani wa Atani: Azariya.
9
Batabani ba Kezuroni abaamuzaalirwa baali Yerakumeeli, Ramu ne Kelubayi.
10
Ramu yazaala Amminadabu; Amminadabu n'azaala Nakusoni omulangira w'abantu ba Yuda.
11
Nakusoni yazaala Saluma; Saluma yazaala Bowazi;
12
Bowazi yazaala Obedi; Obedi yazaala Yesse;
13
Yesse yazaala Eliyabu omuggulanda we, owookubiri ye Abinadabu, owookusatu ye Simewa,
14
owookuna ye Netaneli, owookutaano Raddayi;
15
owoomukaga ye Ozemu, n'owoomusanvu ye Dawudi.
16
Bannyinaabwe baali: Zeruya ne Abigayili. Batabani ba Zeruya: Abisayi, Yowabu ne Asaweli; baali basatu.
17
Abigayili yazaala Amasa; kitaawe wa Amasa ye yali Yeteri Omuyisimayeli.
18
Kalebu mutabani wa Kezuroni mukazi we yamuzaalira abaana Azuba ko ne Yeriyoti. Batabani be be: Yeseri, Sobabu ne Arudoni.
19
Azuba bwe yafa, Kalebu n'awasa Efurati eyamuzaalira Kuru.
20
Kuru yazaala Wuri; Wuri yazaala Bezaleli.
21
Oluvannyumako Kezuroni yawasa muwala wa Makiri kitaawe wa Gileyaadi. Yamuwasa alina emyaka nkaaga, n'amuzaalira Segubi.
22
Segubi yazaala Yayiri, eyafuganga ebibuga abiri mu bisatu mu nsi y'e Gileyaadi.
23
Naye Gessuru ne Aramu baawamba ebibuga bya Yayiri, Kenati n'obubuga bwakyo; bye bibuga nkaaga. Abo be baali ezzadde lya Makiri kitaawe wa Gileyaadi.
24
Kezuroni ng'amaze okufa Kalebu yawasa Efurata, eyali muka kitaawe Kezuroni, n'amuzaalira Asukuru kitaawe wa Tekowa.
25
Batabani ba Yerakumeeli omuggulanda wa Kezuroni: Ramu omuggulanda we, Buna, Oreni, Ozemu ne Akiya.
26
Yerakumeeli yalinayo omukazi omulala eyayitibwanga Atara; ye yali nnyina Onamu.
27
Batabani ba Ramu omuggulanda wa Yerakumeeli: Maazi, Yamini ne Ekeri.
28
Batabani ba Onamu: Sammayi ne Yada; batabani ba Sammayi: Nadabu ne Abisuru.
29
Muka Abisuru yali ayitibwa Abiwayili, era yamuzaalira Akubani ne Molidi.
30
Batabani ba Nadabu: Seledi ne Appayimu; Seledi yafa talina baana.
31
Mutabani wa Appayimu yali Yisi; mutabani wa Yisi: Sesani, mutabani wa Sesani: Akulayi.
32
Batabani ba Yada muganda wa Sammayi: Yeteri ne Yonatani. Yeteri yafa tazadde baana.
33
Batabani ba Yonatani: Peleti ne Zaza. Abo lye zzadde lya Yerakumeeli.
34
Sesani teyalina baana ba bulenzi, wabula ba buwala bokka. Yalina omuddu Omumisiri ayitibwa Yaruka.
35
Sesani omuddu we Yaruka yamuwa muwala we abeere mukazi we. Omuwala n'amuzaalira Attayi.
36
Attayi yazaala Natani; Natani yazaala Zabadi;
37
Zabadi yazaala Efulali; Efulali yazaala Obedi;
38
Obedi yazaala Yewu; Yewu yazaala Azariya;
39
Azariya yazaala Kelezi; Kelezi yazaala Eleyasa;
40
Eleyasa yazaala Sisumayi; Sisumayi yazaala Sallumu;
41
Sallumu yazaala Yekamiya; Yekemiya yazaala Elisama.
42
Batabani ba Kalebu muganda wa Yerakumeeli: Mesa omuggulanda we, ye yazaala Zifu, ne mutabani we Maresa eyazaala Keburoni.
43
Batabani ba Keburoni: Kora, Tappuwa, Rekemu ne Sema.
44
Sema yazaala Rakamu eyazaala Yorukewamu. Rekemu ye yazaala Sammayi.
45
Mutabani wa Sammayi: Mawoni; Mawoni yazaala Beti-Zuru.
46
Efa omukazi wa Kalebu omulala yazaala Karani, Moza ne Gazezi. Karani yazaala Gazezi.
47
Batabani ba Yawudayi: Regemu, Yotamu, Gesani, Peleti, Efa ne Saafi.
48
Maaka, omukazi wa Kalebu omulala, yazaala Seberi ne Tirukana.
49
Yazaala ne Saafi kitaawe wa Madumanna, Seva kitaawe wa Makubena, ne Gibewa, ne muwala wa Kalebu Akusa.
50
Abo lye zzadde lya Kalebu. Bano be baali batabani ba Kuru omuggulanda wa Efurata: Sobali kitaawe wa Kiriyati-Yewarimu,
51
Saluma kitaawe wa Beteleemu, ne Karefu kitaawe wa Beti-Gaderi.
52
Batabani ba Sobali kitaawe wa Kiriyati-Yewarimu baali: Aroye, ekyokubiri ky'essiga lya Bamanakati.
53
N'amasiga ga Kiriyati-Yewarimu gaali: Abayituri, Abaputi, Abasuma, ne Misurayi. Mu bano mwe mwava Abazora n'Abeesutawoli.
54
Batabani ba Saluma: Beteleemu, abantu b'e Netofa, Aturoti-Beti-Yowabu, ekyokubiri ky'essiga lya Bamanakati, n'Abazora,
55
n'amasiga g'abawandiisi abaabeeranga e Yaabezi: Abatira, Abasimewa n'Abasuka; bano be Bakeni abaava mu Kamati kitaawe w'ennyumba ya Rekabu.
Luganda Bible
BIBULIYA ENTUKUVU SECOND EDITION The Bible Society of Uganda, 2018.
:
Save Notes