Juda aarî na ataana bataano. Nabo nî Eri na Onani na Shela. Bau baarî ba mwekûrû wa kuuma Kanaani ûrîa weetagwa Bathishua. Mûtaana wa kîranga wa Juda tawe Eri nî eeîîrie MWATHANI, nawe MWATHANI aramûûraga.
Îndî moonene ja Geshuri na Sîria nî jaîthûkîîre ntûûra mîrongo îtaantatû na baraitaa. Ntûûra iu ciaarî amwe na ntûûra ya Havothi-jairi na Kenathi. O amwe na tûtûûra tûrîa tûngî twaathiûrûkîrîte. Antû barîa baatûûraga ntûûreene nî baarî nchiarwa cia Makiri, ûrîa waarî îthe wa Gileadi.
Nyumeene Maaka aragîa na aana bangî baîrî, nabo nî Shaafu na Sheva. Shaafu aarî îthe wa Madimana, nawe Sheva aarî îthe wa Makibena na Gibea. Ningî Kalebu nî aarî na mwarî weetagwa Akisa.
Baba kinya bo baarî nchiarwa cia Kalebu. Mûtaana wa mbere wa Kalebu eetagwa Huri. Huri nî aagûrîte mwekûrû ûgwîtwa Efiratha. Ataana ba Huri baarî Shobali ûrîa waarî îthe wa Kiriathi-jearimu.
Mûtaana wa baîrî wa Huri aarî Salima. Salima nîwe waarî îthe wa Bethlehemu. Mûtaana wa bathatû wa Huri eetagwa Harefu. Harefu nîwe waarî îthe wa Bethigaderi.
Shobali no we waarî kîûjûjû kîa mîîrîga ya antû barîa baatwîîre Kiriathi-jearimu, mwîrîga jwa Ithiri, na jwa Puthi na jwa Shumathi na jwa Mishirai. Antû ba Zora na Eshitaoli baarî nchiarwa cia mîîrîga îîu.
Salima ûrîa waarî îthe wa Bethlehemu nîwe waarî kîûjûjû kîa Netofathi na Atirothi-bethijoabu na nusu ya antû barîa baatûûraga Manahathi tabo antû ba Zora.
Ntûûreene ya Jebezi nî gwatûûraga mîîrîga ya antû barîa baaijî kwaandîka. Nayo mîîrîga îîu yaarî ya Atirathi na Ashimeathi na Asukathi. Baba baarî ba mwîrîga jwa Akeni kuuma Hamathi. Nîbo baagûranîte na nchiarwa cia Rekabu.