Lao ພຣະຄຳພີສັກສິ 2012
|
| 1 |
| ຕໍ່ມາ ໃນລະດູໃບໄມ້ປົ່ງ ອັນເປັນເວລາທີ່ບັນດາກະສັດເຄີຍເຮັດເສິກ ໂຢອາບໄດ້ນຳກອງທັບໄປຮຸກຮານປະເທດອຳໂມນ; ແຕ່ກະສັດດາວິດຍັງພັກຢູ່ນະຄອນເຢຣູຊາເລັມ. ພວກເຂົາໄດ້ປິດລ້ອມເມືອງຣັບບາໄວ້ ທັງໂຈມຕີ ແລະທຳລາຍເມືອງ. |
| 2 |
| ຮູບເຄົາຣົບໂມເລັກຂອງຊາວມິນກົມ ສວມມົງກຸດຄຳໜັກປະມານສາມສິບສີ່ກິໂລກຼາມ. ຢູ່ໃນມົງກຸດນັ້ນມີເພັດເມັດໜຶ່ງ ຊຶ່ງກະສັດດາວິດໄດ້ແກະເອົາອອກມາໃສ່ມົງກຸດຂອງຕົນ. ເພິ່ນໄດ້ຢຶດເອົາສິ່ງຂອງຊຶ່ງປຸ້ນມາໄດ້ຈາກເມືອງນັ້ນເປັນຈຳນວນຫລວງຫລາຍ. |
| 3 |
| ເພິ່ນໄດ້ກວາດເອົາປະຊາຊົນໃນເມືອງນັ້ນມາເຮັດວຽກເລື່ອຍໄມ້, ຕັດຫີນ ແລະຕັດໄມ້ ດັ່ງທີ່ໄດ້ເຮັດກັບຊາວອຳໂມນໃນເມືອງຕ່າງໆ. ແລ້ວເພິ່ນກໍໄດ້ຍົກທັບກັບຄືນສູ່ນະຄອນເຢຣູຊາເລັມ. |
| 4 |
| ຕໍ່ມາ ຊາດອິດສະຣາເອນໄດ້ເຮັດເສິກກັບພວກຟີລິດສະຕິນອີກທີ່ເກເຊ. ໃນການສູ້ຮົບຄັ້ງນີ້ ສິບເບກາຍຊາວເມືອງຮູຊາໄດ້ຂ້າຄົນຮ່າງໃຫຍ່ຜູ້ໜຶ່ງຊື່ວ່າສິບປາຍ ແລະພວກຟີລິດສະຕິນກໍໄດ້ພ່າຍແພ້. |
| 5 |
| ໃນການສູ້ຮົບກັບຊາວຟີລິດສະຕິນຄັ້ງໜຶ່ງອີກ ເອນຮານານລູກຊາຍຂອງຢາອີໄດ້ຂ້າລາຮະມີນ້ອງຊາຍຂອງໂກລີອາດຊາວເມືອງກາດ ຜູ້ທີ່ມີຫອກເທົ່າກັບໄມ້ກຳພັ້ນຫູກ. |
| 6 |
| ຕໍ່ມາ ໄດ້ມີເສິກເກີດຂຶ້ນອີກຄັ້ງໜຶ່ງທີ່ເມືອງກາດ. ໃນຄັ້ງນີ້ ໄດ້ມີຄົນຮ່າງໃຫຍ່ຜູ້ໜຶ່ງມີນິ້ວມື ແລະນິ້ວຕີນເບື້ອງລະຫົກນິ້ວ. ລາວສືບເຊື້ອສາຍມາຈາກຄົນຮ່າງໃຫຍ່ແຕ່ສະໄໝບູຮານ. |
| 7 |
| ລາວທ້າທາຍຊາວອິດສະຣາເອນ; ແລະໂຢນາທານລູກຊາຍຂອງຊາມມາອ້າຍກະສັດດາວິດໄດ້ຂ້າລາວ. |
| 8 |
| ຄົນທັງສາມນີ້ສືບເຊື້ອສາຍມາຈາກຄົນຮ່າງໃຫຍ່ທີ່ເມືອງກາດ. ກະສັດດາວິດ ແລະທະຫານຂອງເພິ່ນໄດ້ຂ້າຄົນເຫຼົ່ານີ້. |
| ບັນທຶກບັນທຶກ |
https://beblia.bible:81/BibleAudio/lao2012/1chronicles/020.mp3
29
20