×

Ñanderuete Ñe’ẽ Porã 2015

24

1
Aaron ra’ykuéra omba’apo avei aty atýpe umi ára ojeporavo háicha. Aaron ra’ykuéra: Nadab, Abiu, Eleazar ha Itamar.
2
Nadab ha Abiu omano raẽ, itúva mboyve, ha ndaita’ýrai hikuái, upévare Eleazar ha Itamar oikónte pa’i ramo.
3
Sadoc ha Ahimélec oipytyvõ Davídpe omomba’apo hag̃ua Eleazar ha Itamar ñemoñarenguéra aty atýpe Ñanderuete rogaguasúpe.
4
Ha Eleazar ñemoñarenguéra apytépe oĩ hetave mburuvicha, Itamar ñemoñarenguéra apytégui; ha péicha oñemboja’o: Eleazar ñemoñarenguéra apytégui oĩ 16 omoakãva Ñanderuete rogaguasu rembiapo; ha Itamar ñemoñaréva apytégui oĩ 8-nte omoakãva Ñanderuete rogaguasu rembiapo.
5
Ha oimeraẽ pa’i atýpe oñeme’ẽ hembiaporã po’a jeporavo rupi; upéicha Eleazar ñemoñarenguéra apytégui térã Itamar ñemoñarenguéra apytégui ojeporavo pe pa’iguasúpe omoakãmba hag̃ua Ñanderuete rogaguasu rembiapo.
6
Ha pe kuatia haihára Semaías, Natanael ra’y, peteĩ Levigua, ohai herakuéra peteĩ kuatiápe, tetã ruvicha, mburuvichakuéra, pa’i Sadoc ha Ahimélec, Abiatar ra’y, pa’ikuéra ha Leviguakuéra renondépe. Upéi ojeporavo po’a jeporavo rupi mokõi jevy peteĩ pa’i omoakãva pa’i rembiapo aty Eleazar rogaguasúgui ha peteĩ jevy peteĩ omoakãva Itamar rogaguasúgui.
7
Pe po’a jeporavo peteĩha ho’a Joiarib rogaguasu ári; pe mokõiha Jedaías ári.
8
Mbohapyha, Harim ári; irundyha, Seorim ári;
9
pe 5-ha, Malquías ári; pe 6-ha, Mijamin ári;
10
pe 7-ha, Cos ári; pe 8-ha, Abías ári;
11
pe 9-ha, Jesúa ári; pe 10-ha, Secanías ári;
12
pe 11-ha, Eliasib ári; pe 12-ha, Jaquim ári;
13
pe 13-ha, Hupa ári; pe 14-ha, Jesebeab ári;
14
pe 15-ha, Bilga ári; pe 16-ha, Imer ári;
15
pe 17-ha, Hezir ári; pe 18-ha, Apises ári;
16
pe 19-ha, Petaías ári; pe 20-ha, Jehezquel ári;
17
pe 21-ha, Jaquin ári; pe 22-ha, Gamul ári;
18
pe 23-ha, Delaía ári; pe 24-ha, Maazías rogaguasu ári.
19
Ko’ã aty aty ojeporavókuri hembiaporãme, oike hag̃ua Ñanderuete rogaguasúpe oje’e hagueichaite ichupekuéra itúva Aaron rupi, ha Ñanderuete, Israel Jára, he’i hagueichaite ichupekuéra ojapo hag̃ua.
20
Ha umi Levi ñemoñare hembýva oĩ Subael, Amram ra’y; Subael ñemoñarégui oĩ Jehedías.
21
Ha Rehabías ñemoñarenguéragui oĩ Isías, peteĩ mburuvicha.
22
Ha Izharguakuéragui oĩ Selomot; ha Selomot ra’ykuéragui oĩ Jáhat.
23
Hebron ra’ykuéragui oĩ Jeriías, peteĩ mburuvicha; mokõiha, Amarías; mbohapyha, Jahaziel; irundyha, Jecaman.
24
Uziel ra’y, Mica; ha Mica ra’y, Samir.
25
Mica ryvy, Isías; ha Isías ra’y, Zacarías.
26
Merari ra’ykuéra: Mahli ha Musi; Jaazías ra’y (Béno).
27
Merari ra’ykuéra, Jaazías ra’y rupi: (Béno), Soham, Zacur ha Ibri.
28
Ha Mahligui, Eleazar, kóva katu ndaita’ýrai.
29
Cis ra’y, Jerameel.
30
Musi ra’ykuéra: Mahli, Éder ha Jerimot. Ko’ãva hína Levigua ñemoñarenguéra hogaguasukuéra rupi.
31
Ko’ãva avei ojeporavo po’a jeporavo rupi, ipehẽnguekuéra apytégui, Aaron ñemoñarenguéra ojapo háicha, tetã ruvicha David, pa’iguasu Sadoc ha Ahimélec, pa’ikuéra ha Leviguakuéra rogaguasu ruvichakuéra renondépe; umi omoakãva Levi rogaguasukuéra térã umi Levigua róga michĩvape ojeporavo avei po’a jeporavo rupi.
Guarani Bible 2015
Ñanderuete Ñe’ẽ Porã MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015
:
Guardar notas