×

BIBELE 1951

1 Likronike 24

1
Ge e le barwa ba Arone dihlopha tša bona šedi: Barwa ba Arone e be e le Nadaba le Abihu, le Eleasara le Ithamara.
2
Nadaba le Abihu ba hwa pele ga tatabo; baperisita ya ba Eleasara le Ithamara.
3
Dafida a ba beakanya dihlopha a na le Tsadoko, a hlaola barwa ba Eleasara, le barwa ba Ahimeleke, le barwa ba Ithamara; ba abelwa modiro o ba lebanego.
4
Barwa ba Eleasara ba hwetšwa e le ba bantši, banna ba bagolo ba meloko, ba feta barwa ba Ithamara. A ba beakanya; mme bagolo mo lelokong la Eleasara ya ba ba lesome le metšo e selelago; go ba leloko la Ithamara bagolo ya ba ba seswai.
5
Ba ba kgethegantše ka go ba direla matengwa bohle, ka gobane bagolo ba sekgethwa le bagolo ba Modimo ba be ba le gona mo molokong wa Eleasara le mo molokong wa Ithamara.
6
Ba ngwadilwe ke Semaya morwa wa Nethaniele mongwadi wa Balefi; a ba ngwala pele ga kgoši, le pele ga bakgoma, le pele ga Tsadoko moperisita, le pele ga Ahimeleke morwa wa Abyathara, le pele ga bagolo ba meloko ya Balefi. Ge ba dira matengwa ba ntšha a mabedi a ba ga Eleasara, ba ntšha letee la ba ga Ithamara.
7
Tengwa la pele la wela Joyariba; la bobedi la wela Jedaya;
8
la boraro la wela Harima; la bone la wela Seorima;
9
la bohlano la wela Malakia; la go selela la wela Miyamini;
10
la go šupa la wela Hakotse; la seswai la wela Abia;
11
la senyane la wela Jeusi; la lesome la wela Sekanya;
12
la lesome la motšo o tee la wela Elyasiba; la lesome la metšo e mebedi la wela Jakima;
13
la lesome la metšo e meraro la wela Hupa; la lesome la metšo e mene la wela Jesebeaba;
14
la lesome la metšo e mehlano la wela Biliga; la lesome la metšo e selelago la wela Imere:
15
la lesome la metšo e šupago la wela Hesiri; la lesome la metšo e seswai la wela Hapisese;
16
la lesome la metšo e senyana le wela Phethaya; la masome a mabedi la wela Hesekiele;
17
la masome a mabedi a motšo o tee la wela Jakini; la masome a mabedi a metšo e mebedi la wela Gamulu;
18
la masome a mabedi a metšo e meraro la wela Delaya; la masome a mabedi a metšo e mene la wela Maasia.
19
Ba be ba hlatlamana ka mokgwa woo modirong wa bona ge ba tla Ngwakong wa Morena ka molao wo o beilwego ke Arone tatabo, ka mo Morena Modimo wa Isiraele a mo laetšego ka gona.
20
Barwa ba bangwe ba Lefi šeba: Ba ga Amorama ke Subaele; ba ga Subaele ke Jehedeya.
21
Ba ga Rehabya mogolo wa bona e be e le Jisia.
22
Ba ga Jitsehara mogolo wa bona e be e le Selomotho; wa ba ga Selomothe e be e le Jahathe.
23
Wa ba ga Heburone e be e le Jeria wa pele; wa bobedi e be e le Amaria; wa boraro e be e le Jahasiele; wa bone e be e le Jakaneama.
24
Ba ga Usiele mogolo wa bona e be e le Mika; wa ba ga Mika e be e le Samiri.
25
Ngwanabo Mika e be e le Jisia; ba ga Jisia mogolo wa bona e be e le Sekaria.
26
Barwa ba Merari e be e le Mahli le Musi, barwa ba Jaasia morwa wa gagwe.
27
Barwa ba Merari, ba Jaasia morwa wa gagwe e be e le Sohama, le Sakuri, le Iberi.
28
Wa Mahli e be e le Eleasara; gomme yena o be a se na barwa.
29
Ba Kisi e be e le ba ga Jeramiele barwa ba Kisi.
30
Barwa ba Musi e be e le Mahli, le Edere, le Jerimothe. Ke bona barwa ba Lefi ka meloko ya bona.
31
Le bona ba diretšwe matengwa bjalo ka bana ba bobona barwa ba Arone pele ga kgoši Dafida le Tsadoko le Ahimeleke, le pele ga bagolo ba baperisita. Ba bagolo ba meloko ba badilwe bjalo ka bana ba bobona ba banyenyane.
Sotho Bible 1951
Bible Society of South Africa 1986
:
Boloka Lintlha