|
| 1 |
|
| Tāi-pi̍t kap ho̍k-sāi thoân-tūi ê léng-siù tùi A-sat, Hi-bān, kap Iâ-tō͘-tùn ê hō͘-tāi hun-phài lâng chhiùⁿ Siōng-tè ê sìn-sit, ēng khîm, sek, kap nâ-poa̍h phōaⁿ-chàu. Chiàu sū-hōng ê chit-hūn, in ê miâ kap jîn-sò͘ kì tī ē-bīn: |
|
| 2 |
|
| A-sat ê sì ê kiáⁿ, Sat-khek, Iok-sek, Nî-thàm-ngá, kap A-sat-lī-la, siū A-sat chí-hui, chiàu ông ê chí-sī chhiùⁿ Siōng-tè ê sìn-sit. |
|
| 3 |
|
| Iâ-tō͘-tùn ê la̍k ê kiáⁿ, Ki-tāi-lī, Se-lī, Í-sài-a, Hap-sa-pí-ngá, Má-tha-thê-ngá, kap Sī-múi, siū in lāu-pē Iâ-tō͘-tùn chí-hui, tôaⁿ-khîm, chhiùⁿ Siōng-tè ê sìn-sit, kám-siā chheng-chàn Siōng Chú. |
|
| 4 |
|
| Hi-bān ê kiáⁿ ū Pò͘-ki-ngá, Má-tha-nî, O͘-siat, Sè-pò͘-gia̍p, Iâ-lī-mô͘, Hap-ná-nî-ngá, Hap-ná-nî, Í-lī-a-tha, Ki-tāi-lī-thê, Lô-bān-thê Í-siā, Iok-si-pí-ka-sa, Má-lô-thê, Hô-thê, kap Má-hap-siù; |
|
| 5 |
|
| in lóng sī Hi-bān ê kiáⁿ. Hi-bān tùi Siōng-tè ê èng-ún tit-tio̍h ko-kú, chòe ông ê sian-kiàn. Siōng-tè sù i cha̍p-sì ê kiáⁿ, saⁿ ê cha-bó͘-kiáⁿ. |
|
| 6 |
|
| In lóng siū in lāu-pē chí-tō, chiàu ông ê chí-sī, tī Siōng Chú ê tiān chhiùⁿ-koa, phah nâ-poa̍h, tôaⁿ-khîm, tôaⁿ-sek, ho̍k-sāi Siōng-tè. A-sat, Iâ-tō͘-tùn, kap Hi-bān, |
|
| 7 |
|
| in kap in ê chhin-cho̍k siū kè hùn-liān, chin gâu siōng-chàn Siōng Chú ê, lóng-chóng ū nn̄g-pah poeh-cha̍p-poeh lâng. |
|
| 8 |
|
| In bô-lūn lāu á-sī siàu-liân, lāu-su á-sī ha̍k-seng, lóng pîⁿ-pîⁿ thiu-chhiam hun-phòe chit-bū. |
|
| 9 |
|
| Thiu-tio̍h thâu-ki chhiam--ê, sī A-sat ê kiáⁿ Iok-sek; tē-jī sī Ki-tāi-lī, i kap i ê hiaⁿ-tī kap i ê kiáⁿ, kiōng cha̍p-jī lâng; |
|
| 10 |
|
| tē-saⁿ sī Sat-khek, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 11 |
|
| tē-sì sī Se-lī, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 12 |
|
| tē-gō͘ sī Nî-thàm-ngá, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 13 |
|
| tē-la̍k sī Pò͘-ki-ngá, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 14 |
|
| tē-chhit sī A-sat-lī-la, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 15 |
|
| tē-poeh sī Í-sài-a, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 16 |
|
| tē-káu sī Má-tha-nî, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 17 |
|
| tē-cha̍p sī Sī-múi, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 18 |
|
| tē-cha̍p-it sī O͘-siat, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 19 |
|
| tē-cha̍p-jī sī Hap-sa-pí-ngá, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 20 |
|
| tē-cha̍p-saⁿ sī Sè-pò͘-gia̍p, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 21 |
|
| tē-cha̍p-sì sī Má-tha-thê-ngá, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 22 |
|
| tē-cha̍p-gō͘ sī Iâ-lī-mô͘, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 23 |
|
| tē-cha̍p-la̍k sī Hap-ná-nî-ngá, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 24 |
|
| tē-cha̍p-chhit sī Iok-si-pí-ka-sa, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 25 |
|
| tē-cha̍p-poeh sī Hap-ná-nî, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 26 |
|
| tē-cha̍p-káu sī Má-lô-thê, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 27 |
|
| tē-jī-cha̍p sī Í-lī-a-tha, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 28 |
|
| tē-jī-cha̍p-it sī Hô-thê, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 29 |
|
| tē-jī-cha̍p-jī sī Ki-tāi-lī-thê, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 30 |
|
| tē-jī-cha̍p-saⁿ sī Má-hap-siù, i kap i ê kiáⁿ kap i ê hiaⁿ-tī, kiōng cha̍p-jī lâng; |
|
| 31 |
|
| tē-jī-cha̍p-sì sī Lô-bān-thê Í-siā, i kap i ê kiáⁿ kap i ê hiaⁿ-tī, kiōng cha̍p-jī lâng. |
|
|
|
|