Vilevile kulikuwa Obedi-Edomu, ambaye Mungu alimubariki kwa kumupa wana wanane: Semaya muzaliwa wake wa kwanza, Yehozabadi wa pili, Yoa wa tatu, Sakari wa ine, Netaneli wa tano,
Hao wote walikuwa wana wa Obedi-Edomu; wao na wana wao na wandugu zao, walikuwa watu hodari katika utumishi wao. Wazao wote wa Obedi-Edomu walikuwa makumi sita na wawili.
Hao walinzi wa milango waligawanyika katika makundi kulingana na jamaa zao, nao vilevile walipangiwa kazi kwenye nyumba ya Yawe kama wale Walawi wengine.
Kura ya kuchagua wa kulinda mulango wa upande wa mashariki ikamwangukia Selemia. Wakapiga kura vilevile kwa ajili ya mwana wake Zekaria, aliyekuwa mushauri mwenye hekima, ikamwangukia kura ya mulango wa upande wa kaskazini.
Supimu na Hosa wakaangukiwa na kura ya kulinda mulango wa upande wa magaribi kwenye mulango wa Saleketi kwenye barabara ya juu. Ulinzi ulifanywa kwa zamu.
Na ndugu yake, alikuwa Eliezeri, aliyekuwa baba ya Rehabia. Rehabia alikuwa baba ya Yesaya, aliyemuzaa Yoramu, Yoramu alizaa Zikiri, Zikiri alizaa Selomoti.
Selomoti na wandugu zake, ndio waliokuwa waangalizi wa hazina zote za vitu vitakatifu ambavyo mufalme Daudi alitoa kwa Mungu, viongozi wa jamaa, majemadari wa maelfu na mamia na majemadari wa jeshi.
Vilevile vitu vyote vilivyotolewa kwa Mungu na nabii Samweli na Saulo mwana wa Kisi, na Abeneri, na Yoabu mwana wa Zeruya, vilikuwa chini ya uangalizi wa Selomiti na wandugu zake.
Kati ya watu wa ukoo wa Hebroni, Hasabia na wandugu zake elfu moja na mia saba, wote watu mashujaa walipewa kazi ya kusimamia sehemu za inchi ya Israeli zilizokuwa upande wa magaribi wa muto Yordani. Walisimamia kazi yote ya Yawe na kazi za mufalme Daudi.
Kati ya watu wa ukoo wa Hebroni, Yeria alikuwa kiongozi wa ukoo na jamaa zote, na katika mwaka wa makumi ine wa utawala wa mufalme Daudi, uchunguzi ulifanywa na wanaume wenye uwezo mukubwa wakapatikana kule Yezeri katika jimbo la Gileadi.
Mufalme Daudi alimuchagua Yeriya na wandugu zake elfu mbili na mia saba, mashujaa na viongozi wa ukoo, kwa kusimamia mambo yote yaliyoelekea Mungu na mufalme Daudi katika sehemu za watu wa ukoo wa Rubeni, Gadi na nusu ya kabila la Manase, zilizokuwa upande wa mashariki wa muto Yordani.