Ri u c'ojol ri Sobal are' ri Reaiy, ri u c'ojol ri Reaiy are' ri Jahat, ri e u c'ojol ri Jahat e are' ri Ahumay xukuje' ri Lahad. E are' tak wa' ri u k'ab cachalaxic ri e aj zoratitab.
Ri e u c'ojol ri Hur e are' ri Etam, Jezreel, Isma, Idbas, Penuel (ri u c'ojol ri Penuel are' ri Jedor), xukuje' ri Ezer (ri u c'ojol ri Ezer are' ri Hus). Wa' c'o jun canab Haze-lelpon u bi'. E are' tak wa' ri e u c'ojol ri Hur, u nabeal ri Eprat, e u mam ri Belen.
Ri Jabes xuban ch'awem ruc' ri u Dios ri Israel, je xubij wa': “Quinbochi'n che la chi caya' la ri tewichibal la panuwi' chya' c'u la jun wulew ri sibalaj nim, chinto' la chinesaj c'u la chquiwäch ri etzelal, rech man quinrik ta c'ax.” Xuya' c'u ri Dios che ri xutz'onoj che.
xukuje' ri Meonotay. Ri u tat ri Opra are' ri Meonotay. Ri u tat ri Joab are' ri Seraiy, ri e qui mam ri xejeki' pa ri qui beya' ri aj Carisim, ri e nawinelab che qui banic tak chac.
Ri e u c'ojol ri Esdras e are ri Jeter, Mered, Eper xukuje' ri Jalon. Ri Mered xc'uli' ruc' ri Bitiy, u mia'l ri paraon, ri e ral tak e are' ri Mariy, Samay xukuje' ri Isba, u tat ri Estemo. Ri Mered xukuje' xc'oji' jun ixok ruc' aj ramak' ri Juda, are' c'ut u nan ri Jered, u tat ri Jedor, ri Heber, u tat ri Soc, xukuje' re ri Jecutiel, u tat ri Zano.
ri Joasim, ri e aj Cozeb, ri Joas xukuje' ri Sarap, ri xebec'ulan cuc' tak ixokib aj moabib xetzelej c'u pa Belen, je caquitzijoj ri ojer tak tzijobelil.
Ri Simeiy xebalax wuklajuj u c'ojol xukuje' wakib u mia'l; ri e tak rachalal c'ut man xebalax ta q'ui qui c'ojol, jeri' chi ri u k'ab cachalaxic chquixo'l man sibalaj ta xeq'uiyiric e jacha' ta ri e rija'lil ri Juda.
e cachil conojel ri alaj tak tinimit ri e c'o chquij tak we tinimit ri' c'ä copan na pa Baalat. E are' tak c'olbal wa' ri xejeki' wi xukuje' ri xetz'ibax wi tak ri qui bi' calaxic.
chila' c'u xquirik wi utzalaj echa' cätojtatic xukuje' sibalaj q'ui, xukuje' jun nimalaj ulew ri man c'o ta cäch'owic mawi c'o cuyac ta u ch'o'j chrij. Chila' xejeki' wi can ri e rija'lil ri Cam nabe,
pa tak c'ut ri u k'ijol ri Ezequiy ajawinel re Juda, xepe wa' ri e kayo'm can u bixic tak ri qui bi' xequisachisaj tak qui wäch ri e c'o chila' conojel, junam cuc' tak ri e kajebal xukuje' tak ri jekelibal ri xequirik chila' xejeki' c'u can chila' che qui q'uexwäch, c'o c'u echa' chque tak ri cawaj.
E c'o chi c'u na, job sient (500) achijab e qui tz'akat, e rija'lil ri Simion, xebe chupam ri c'ache'laj re Seir ri xc'am qui be rumal ri Pelatiy, Neariy, Repaiy xukuje' ri Uziel, e u c'ojol ri Isi,