A pʋʋsa Soaala woto: «Israyɛl Wẽnnaam, pids-y maam ne y barka, paas-y m paoongo, tẽeg-y y nug n gũ-ma, zãag-y-m ne yel-beedo la pɛta!» Soaala kõ-a-la a sẽn kose.
A Meonotayi roga a Ofra, a Seraya doga a Zoab. Yẽ la nus-tʋʋm-mitba yaaba, Ge-Arasim ba. B yaa nus tʋʋm-tʋmdba. B bãg-faaga ra boondame tɩ nus-tʋʋm-tʋmdb bãg-faaga.
A Ezra kamba: a Yetɛr, a Merɛd, a Efɛr, a Yalõ. A Merɛd kẽe kãadem ne Ezipt rĩm bi-pugla sẽn boond tɩ Bita la a Bita kõ-a-la a Miriyam, a Samayi la a Yisba, Estemoa meta.
A Sela yagense le yɩ-la a Zokim, n paas neb niyns sẽn da kẽed-b Kozeba. A yagensa le yɩ-la a, Zoyas la a Saraf sẽn kẽng Moab soolmẽ n tɩ yi kãadem n lebg n wa Leyɛm; la rẽ fãa daar zãagame.
B b sẽn gʋls b rãmb yʋʋr mars-marsã, bãmb n wa Zɩɩda dĩma a Ezekiyas zamaanẽ, b kʋʋ tẽnga rãmba fãa sẽn da be be, la b kãab-b kãab beed sẽn ket n yɛs ne rũnna, la b reesa b zĩisã n zĩndi, tɩ yamd maas da bee beene, b rũmsã yĩnga.
Neb kẽere, bãmb sʋka, a Simeõ yagense, kẽnga Seyir tẽnsã sẽnẽ. Yaa neb kobs-nu, ne b taoor dãmba: a Pelatiya, a Neariya, a Refaya, a Uziyɛl, a Iseyi kamba.