Solomoni nî eekîre mûcemanio jwa Israeli yonthe. Nî eetîre atongeeria ba njûûrî ya antû ngiri ngiri na ba antû îgana îgana, na agambi na atongeeria bonthe ba Israeli amwe na atongeeria ba mîîrîga.
ngûkwaa ûûme na ûmenyo. Ningî ngakwaa kinya ûtonga na into bibingî na ûkumio. Gûtî mûnene noo ûrîkû wagîa na into ta biu mbere yaaku na gûtî mûnene kinya ûmwe ûkorogîa nabio.”
Solomoni aroothûrania njûûrî yaawe. Aarî na ngaarî cia ndwaa ngiri îmwe na magana jana (1,400) na mbarathi ngiri îkûmi na ijîîrî (12,000). Areeka asikarî bamwe Jerusalemu kûrîa mûnene atûûraga, na bangî ntûûreene ingî.
Baagûraga mbarathi na ngaarî cia ndwaa kuuma Misri, na bakeenderia anene ba Ahiti na ba Sîria. Baabendagîria ngaarî îmwe ya ndwaa shekeli magana jatantatû cia fetha (600), na mbarathi îmwe shekeli îgana na mîrongo îtaano (150).