Sisaki agacha ne chigari elifu eyemo, na amagana abere (1,200), na abariini chibarasi chilifu emerongo etano nomo (60,000). Abanto bachete amo nere korwa Misiri, na Libia, na Suki, na Etiopia, nigo barenge abange batarenge kobareka.
Korende nonya naboigo, nimbakore babe abasomba baye, erio nario baranyare komanya ogwatananekana kore egati ase ogonkorera inche na ogokorera abaruoti be chinse.”
Ekiagera omoruoti ekeetie na akaba omoitongo, endamwamu y’Omonene ekamotiga, erinde tebaisa komosiria kegima; ase igo amang’ana akaba amaya ase Abayuda.
Bono amang’ana onsi igoro ya Rehoboamu, korwa omochakano goika omoerio, nigo arikire ase amariko a Semaya omobani, na ase aya Ido omorori, buna amang’ana e chinderia arikire. Esegi ekaba ekogenderera ase egati ya Rehoboamu na Yeroboamu.