Kitet lugeet Abijah kobooto lugeetap murenik che nyigoonen che po lugeet, murenik eliphuusyek pogol ang'wan che ki kilewen, kitet agine Jeroboam lugeet kotinyei murenik eliphuusyek pogol sisiit, che ki kilewen, piik che kiimeen, che nyigoonen, kobargei ak ineendet.
Tos manyoljok onai ole ki igoochi `Kamuktaindet ne Toroor, Kamuktaindetap Israel `Daudi pounateet koboi Israel koigeny ak weeriikyik eng' kayomisetap muunyuk?”
Ki iyumjigei ineendet piik che yaach weeriigap Belial che ki igimitkei kobargei ak Rehoboam weeriitap Solomon, ye kita ko ming'in Rehoboam ak kotinyei riirge, ak ma imuuch kogirinda icheek.
“Ak nguno oleen omuuchi ogirinde laitornatetap Kamuktaindet ne Toroor ne mi eunegap weeriigap Daudi, ak oo tuiyet ne oo, ak otinye moek che po thahabu che ki itang'wok Jeroboam koek kanamonik.
Tos ma oonu tisiigap Kamuktaindet ne Toroor, weeriigap Aron, ak Lawiik, ak olewenjigei tisiik, osubi pitonwegap piigap emotinwek alak? Si age tugul ne nyoonei koanyinyegei kirgit anan mengichik tisap, koegu nooto tisiindetap tuguuk che ma tilei kiy.
Ago Kamuktaindet ne Toroor ko Kamuktaindennyo acheek, ak tomo kebagaakte ineendet. Ki tinyei tisiik che poisyechin Kamuktaindet ne Toroor, weeriigap Aron, ak Lawiik che yaei poisyennywa.
Peeljin `icheek Kamuktaindet ne Toroor kagoochinoik che kibeelei, ak nyamdutik che ng'uu ne anyiny, karonet age tugul ak koskoleng'ut age tugul, tetei magatiinik che itabaanatiin eng' meset ne tiliil, ak keldap tait ne po thahabu kobooto taisyekyik, si kolal koskoleng'ut age tugul; amu kiriibe acheek poisyetap Kamuktaindet ne Toroor, Kamuktaindennyo, ago ki omete ineendet.
Ogeero, mi Kamuktaindet kobootech, kondoiywech, ak tisiikyik che tinyei iryagook che po waagaat si koguutwak ne po waagaat. Ee piigap Israel, amat obargei ak Kamuktaindet ne Toroor, Kamuktaindetap kwanisyekwok; amu mo poore.”
Ki kiming'in ko uu nooto piigap Israel eng' peetuusyechooto, ak ki iterteeris lagogap Judah amu kitiegei Kamuktaindet ne Toroor, Kamuktaindetap kwanisyekwak.