Ekaru lo a ngitomwon-uni ka ngikan-kapei lo araakar Asa ekapolon a Yuda, abu Baacha lo arai ekapolon a Isirael torem Yuda, kisiak akiduk awas Rama sodi kiratakinea ngikalotok daang lu elomete ka apudor alo Yuda.
Sodi tolem Asa ngakwangae ka egolit alobari a akai a Akuj ka lo a akai a ekapolon sodi tomea ngitunga yaasi Damasko nia Benadad alo arai ekapolon a Siria ebala,
“Kimiek atachamakin loger lokolong achamatar taapayok. Eraakasi ngakwangae nugu ka egolit logo ngainakinet kon. Tongeros tokona ka Baacha lo erai ekapolon a Isirael, sodi tolemarea ngesi ngajorei keng anakwap kang.”
Tacham Benadad ngakiro a Asa sodi tomea ngikarikok a ngasigerea keng ka ngasigerea kech akitijikin ngirerea a Isirael. Tolemasi kesi ngirerea lu enyaritae Ijon, ka Dan, ka Abel Bes Maaka ta ngirerea a akwap a Naputal daang lu ekachanakinio ngiboro.
Ikwa pealalak kolong ngajorei a Kuch ka Libia, toyakas ngaurukukui na iritae ka ngikameak ngangolei lukaalak a? Abu Ekapolon Akuj kisidwang iyong kesi kainyo igienokino iyong ngesi.
Ekaru lo a ngitomwon-uni ka ngikan-koomwon lo araakar Asa ekapolon, abu edeke a ngakejen kingwal ngesi. Tani alodeke kangolo, abu ngesi nyeelot nia Ekapolon Akuj, pearai abu tolot lomurok.