Areeka njûûrî ntûûreene irîa ciairigîri cia Juda cionthe, na arathithia kambî cia asikarî nthîgûrû ya Juda na ntûûreene cia Efuraimu irîa îthe Asa aataîte.
Jehoshafati nî aarî na ûchamba bwa kûthingata mantû ja MWATHANI, na nkûrûki nî aathûûkangîrie irombero bia mîng'uanano na areebeeria mîrungu ya Ashera nthîgûrû ya Juda.
Mwakeene jwa îthatû kuuma akwambîrîria kwaathana nî aatûmîre atongeeria baawe tabo, Beni-haili na Obadia na Zekaria na Nethaneli na Mikaia kûritana ntûûreene cia Juda.
Betanîrie na Alawi baba: Shemaia na Nethania na Zebadia na Asaheli na Shemiramothi na Jehonathani na Adonija na Tobija na Tobadonija, barî amwe na athînjîri-Mûrungu baîrî tabo Elishama na Jehoramu.