Bang’ higni moko nodhi Samaria limo Ahab, mi Ahab noyang’one rombe gi ruedhi mogundho mondo ocham gi joma nowuothogo kohoye mondo owuoth gi jo-Ramoth-gilead.
Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla, to asin kode, nikech ok okor gik mabeyo kuoma, to okoro mana gik maricho.” To Jehoshafat nowachone niya, “Kik iwuo kamano.”
Koro noyudo ka ruodh Israel gi Jehoshafat ruodh Juda obet e alap manie dhoranga Samaria, ka ng’ato ka ng’ato obet e kom duong’ne, korwako lawe mar ruoth, kendo jonabi duto ne koro wach e nyimgi.
Jaote mane odhi luongo Mikaya nowachone niya, “Jonabi duto osekoro wach nyalhodia ka giwacho ni gima ber biro timore ni ruoth. In bende yie ikor wach maber kaka gisekorono.”
Mikaya nowacho niya, “Naneno jo-Israel duto koke e gode ka rombe maonge jakwath, kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”
Ruodh Israel nowacho ni Jehoshafat niya, “Kwadhi e lweny, abiro rwako lewni moko mondo kik ji ng’eya, to in rwak lepi mag ruoth.” Kamano ruodh Israel noloko kite kendo ne gidhi e lweny.
Kane jotend geche oneno Jehoshafat, ne giwacho niya, “Jal cha e ruodh Israel.” Ne gilokore ire mondo giked kode, to Jehoshafat nogiyo, mi Ruoth Nyasaye nokonye. Nyasaye nogologi kuome,
To ng’at moro nodiro asere, morodhno gi kor ruodh Israel e kind chumbe mag lweny ma norwako. Mi ruoth nowacho ni jariemb gache niya, “Wichri, igola e lweny, nikech ahinyora malit.”