Fuo bete agara ko andu ku Somorona yo ka bi Aba. Aba ki imi akandoro na abaabagara tipa ko ni dungu ra, na tipa agu aboro naadu na ko a. Aba ki zomia ko i ndu na ko kuti Ramotagirada.
Aba bakindo aYisaraere ki ya fu Yosafata bakindo aYudo, “Ani andú na mo ku Ramota-girada yo?” Ko ki karaga ha fu ko ki ya, “Mi wa kina ro, gimi aboro wa kina gamo aboro. Ani adú na mo rago sovura.”
Si du bakindo aYisaraere adungura anebi ti ni wa aboro 400, ki ya fu yo, “Ani ndú ka so vura, kuti Ramota-girada yo, watadu mi nye?” I ki ya, “Oni ndú; bambiko Mbori nikafu he ku be bakindo.”
Bakindo aYisaraere ki ya fu Yosafata, “Boro ko yo sa ka ani sana Yekova ku ngbani, nga Mikaya wiri Yimera; ono mi nasoga ko, bambiko ko nagumba nga wenepai tipa re te, ono kina gbigbitapai dedede.” Yosafata ki ya, “Ka bakindo gúmba nga ha wo ya.”
Were bakindo aYisaraere na Yosafata bakindo aYudo ki sungu ri gayo ambatabakindo ni ukadiukadi tiyo na gayo aroko; i ki sungu rogo bataka zende ahe ti ngbadimo bakporo Somorona; anebi dunduko ki nigumba pai ku bara bangiriyo.
Sedekiya nangia wiri Kenana ambakadi agbanga ni marã tipa tiko, ki ya, “Wo poi Yekova re, ‘Mo atúrã aSurio na agi ahe re daho mo ka ba tungayo ni kpakaya’.”
Gu sunge naandu ka yamba Mikaya agumba pai fu ko, ki ya, “Mo ngére, agu apai anebi apeka si kusi wenepai fu bakindo wa pai ku ngba boro sa; mi nazungadi ro sangbaro dú wa kina sangba gu ni sa dagba yo mo gúmba kina wenepai a.”
Ho ko ada ni koyo du bakindo ni, bakindo ki ya fu ko, “Mikaya, ani ndú sa vura kuti Ramota-girada yo, watadu ka mi nye?” Ko ki karaga ha ki ya, “Oni ndú, ki u; i afú yo ku be roni.”
Mikaya ki ya, “Mi abi aYisaraere ni gbandakagbandaka yo dunduko ri abaagangara, a wa agu akandoro adu nga babandara ti ra ya; Yekova ki ya, ‘Agi yo re adu nga na bairayo ti ni ya; i ga ku kpuyo yo dunduko ngba zereda.’ ”
Mikaya ki ya, “Ono mo gí sangba Yekova tie; mi abi Yekova ko nisungu auru gako mbatabakindo, gu rimbasa dunduko nga ga ngbangbaturũ yo ki ru ku kumbabeko na ku garebeko yo;
ki ya, ‘Ya bakindo wẽ, Oni mói gi boro re ku bambukisa yo, ki nirigi ko na gu kpokuta nga ga rungosi na gu ime nga ga rungosi, daho mi ka yega ni zezeredi.’ ”
Bakindo aYisaraere ki ya fu Yosafata, “Mi abírika tire ki ndu sa vura, ono mo úkadi tiro na gamo aroko bakindo.” Si du bakindo aYisaraere ki biriki tiko; i ki ndu sa vura.
Were bakindo aSurio arugu gako abarutiri angbagidavura, ki ya, “Ka oni só nga vura na umba boro watadu bakere boro a ya, kpara kina bakindo aYisaraere sa.”
Si adu wa gere, ho abarutiri angbagidavura abi Yosafata ni, i ki ya, “Ndikidi bakindo aYisaraere du re.” I asa tiyo fuo ko ka so vura kuti ko; ono Yosafata apoi ku ari, Yekova ki unda ko. Mbori ki wo ti yo i guari pati ko,
Ono gu boro ki gbe gani mboto ki ba ha ni baringbangba gbua, ki no bakindo aYisaraere dagba ngbazunga ũvura na marãngbaduse; si du bakindo aya ti ni fu barugu gako ngbagidavura, “Mo sá tiro, ki tindi re ku sa yo dagba rimbasa, bambiko mi hõ ahõ ni kere he.”