Ningî ndeene ya Jerusalemu, Jehoshafati nî aathuurîre Alawi bamwe, na athînjîri-Mûrungu na atongeeria ba mîîrîga ya Israeli, nîkenda baritagîra MWATHANI ngûgî ya kûgiita magamba na kûthiragia mateta. Nabo baakaraga Jerusalemu.
Amaria mûthînjîri-Mûrungu ûrîa mûnene nîwe mûnene weenu ngûgîîne cionthe cia MWATHANI. Zebadia mûtaana wa Ishimaeli nîwe mûrûngamîîri wa antû ba Juda mantûûne jonthe ja mûnene. Alawi nabo nîbo nthûûmba cieenu cia kûrûngamagîîra mantû. Thithagieni mantû bûtî na ûguaa, na MWATHANI arokaraga na barîa baagîru.”