Ika Bible 2018
|
| 1 |
| Jọtam rị nwa ahụa isẹn kwasị ọgụn k'o họnrin eze; Jerusalẹm k'ọ nọ kị; ahụa mmisin k'ọ kị. Nnẹ ẹ wụ Jerusha nwa Zadọkụ. |
| 2 |
| O mẹ ihiẹn rị mma ẹnya Osolobuẹ, sọnchanrịn nzọmụkụ nẹdi ẹ wụ Uzịa, kanị Jọtam abannị eje-ọbụban hụ nẹdi ẹ ban Ụlọ-NSỌ Osolobuẹ. K'osilẹrị, ndị Juda hụkwọ e mẹ arụ wẹ e mẹ. |
| 3 |
| Jọtam dọnzi Ọnụ-mgbọn rị mkpọnyin hụn wẹ ghazị a banye Ụlọ-nsọ Osolobuẹ; ọ rụnzịghọ ihiẹn bu ọda ebe ọ nọ e dọnzi mgbọn Jerusalẹm ibẹka ugu Ofẹlụ. |
| 4 |
| Ọ tụnzị obodo ichẹn-ichẹn ye ugu ndị rị Juda, tụnsọnmẹ ndị zeni w'a gbaban ogẹn agha lẹ ụnọ-nche uku ye ẹgboko rịsọnmẹ Juda. |
| 5 |
| Jọtam a lụsọn eze ndị Amọnụ agha, mẹri wẹ. Ahụa hụ, ndị Amọnụ nọ kụ a ẹkpa siliva uku ọgụn-isẹn, ẹkpa ọka-witi uku nnụ-uku iri (10,000) lẹ ẹkpa ọka-bali uku nnụ-uku iri (10,000). Ahụa a bọ, ndị Amọnụ e buhẹ hụn han ẹrịra, hụn mẹ ẹ ahụa ẹtọ e buhẹzi wẹ hụn han ẹrịra. |
| 6 |
| Eze wụ Jọtam gha ihun ọhụnma-ọhụnma makẹni o sọnsọnmẹ Osolobuẹ wụ Chuku ẹ. |
| 7 |
| Ihiẹn ndị ọzọ mẹni kẹ Jọtam rị a kị, kẹ agha ile ọ lụ kẹ ihiẹn ndị ọzọ o mẹ rịchanrịn imẹ ẹkụkwọ ndị-nze Izrẹlụ lẹ Juda. |
| 8 |
| Jọtam rị nwa ahụa isẹn kwasị ọgụn họnrin eze; Jerusalẹm k'ọ nọ kị; ahụa mmisin k'ọ kị. |
| 9 |
| Jọtam a nwụnhụn, laburu ndị nẹdi ẹ, wẹ nọ li ẹ ye imẹ Obodo Defidi. Nwa a wụ Ahazị nọ rikin ẹ eze. |
| Save Notes |
https://beblia.bible:81/BibleAudio/ika/2chronicles/027.mp3
36
27