A Ezekiyas yʋʋm da yaa pisi la a nu a sẽn waa n lebg dĩma. A dɩɩ naam yʋʋm pisi la a wɛ Zerizalɛɛm. A ma ra boondame t'a Abiya. A Abiya yaa a Zakari biiga.
Levitsa yikame. Yɩ-la: a Amasayi biig a Maat, a Azariya biig a Zowɛl, a Keyat doogẽ, sã n yaa a Merari doogẽ, a Abdi biiga a Kis, a Yealelɛl biig a Azariya, a Gersõ doogẽ, a Zima biig a Zoa la a Zoa biig a Eden.
B kẽe wẽnd doogẽ wã n na n yɩlg a. B yiisa wẽnd dooga sɩmannẽ bũmb ning fãa b sẽn yãend a pʋgẽ tɩ ya bõn-dẽgdo. B yiis-b-la bal-balle, n tɩ rʋʋg b Sedrõ bãg-faagẽ.
B sɩnga yɩlgrã kiuuga pipi raare. Yaa kiuuga raar a nii soaba la b ta wẽnd dooga zãongẽ. B yɩlga rooga dasem a nii. Dɩlla b sɛɛ pipi kiuuga piig la a yoob daare.
B waa ne lols a yopoe, pe-bi a yopoe n paas boees a yopoe yel-wẽna sugr kosgo maoong yĩnga. Maoonga na n kʋʋ dĩma yĩnga, wẽnd dooga yĩnga, Zɩɩda yĩnga. Dĩma kõo maan-kʋʋdba, a Aarõ yagensa, noore tɩ b kood dũmsã maan-kugra zugu.
B kood-b lame n daag b zɩɩma maan-kugra zugu tɩ yɩ sugr kosgo a Israyɛl gill yĩnga. La sɩda, ra yaa a Israyɛl gill yĩnga la dĩma tʋlg yũ-noog maoongã la sugra kosg maoongã.
B kẽesa Levitsa wẽnd doogẽ ne kɛma, pendse, ruudsi wala a Daviid sẽn da yalse, tɩ dĩma bãngd a Gad, la Naaba-Wẽnd bãngd a Natã wilgi. Noorã ra yaa Soaala-Wẽnd noore tɩ bãngdba reegd-a n taasdẽ.
a Ezekiyas yeelame tɩ b kʋ yũ-noog maoongã. La b sẽn sɩng kʋʋbo, la yɩɩla me sẽn sɩnge, tɩ tõntõoda peebdẽ tɩ kɛma wẽedẽ, tɩ pɛndga la ruudga wãagdẽ, wala a Israyɛl dĩma a Daviid sẽn yalse.
Dĩma ne a poorẽ dãmba yeela Levitsã tɩ b pẽg Soaala-Wẽnde ne a Daviid la bãngd a Asaf yɩɩla. Sɩd yɩɩ pẽgr menga. Bãmb me waa n yĩgimdame, b wa n wõgemdame.
A Ezekiyas zẽka a koɛɛg marsã n yeele: «Marsã yãmb n so Naaba-Wẽnd tʋʋma. Kolg-y, wa-y ne y maan-dɩtse, la y pẽgr maando.» Tɩ zãma wã wa ne maan-dɩtse, pẽgr maando la yamleoog kũuni.
Maan-kʋʋdba sõor da paood ne b tõog n sɩɩg maanda fãa. Woto wã Levitsa sõng-b lame, tɩ fãa wa sɛ, tɩ b fãa yɩlge. Levitsa pus n wilgame tɩ bãmb n dat b mens yɩlgre n yɩɩda.