Nacio nthingo cia nyomba irîa nene ya kîûrû araikunîka na mîtî ya mîtarakwa bwa ndeene na thaabu îrîa ntheru, na araigemia na mbicha cia mîkîndû na mînyororo.
Arathithia antû arîa atheru buru. Nabu ûraaja bwa antû au bwaarî mita îkûmi (10m), bûng'aneene na wariî bûrîa bwaarî bwa mita îkûmi (10m). Arereeria antû au na thaabu îrîa nthongi ya tani mîrongo îîrî na îmwe.
Ningî aratuma gîtambaa gîa kûgaania kîûrû na antû arîa atheru kîa nguû înthongi aragîaka rangi ya wiirû bwa îgûrû na întuune, na arakîgemia na mbicha cia kerubi.
Aarathithia itugî biîrî mbere ya kîûrû bia ûraaja bwa mita îkûmi na mûgwanja na nusu (17.5m). Nabio biongo biaabio biaarî bia mita ijîîrî na nusu (2.5m).
Ningî arathithia mîtungo îkarî ja mîkathî aramîcuuria itugîîne îgûrû na aracuuria mîng'uanano ya matuunda ja kûûmba na îturutia jakari ta mîkukumanga mîtungoone îîu.