Laamiiɗo hokki yeɓre jawdi mum ngam guleteeɗi fajiri e kiikiiɗe e guleteeɗi nyalɗe ciwtorɗe e juulɗe lewru hesru e juulɗe goɗɗe, bana ko tawreeta Jawmiraawo umri.
Nde umroore nde'e yotti Isra'iila'en, ɓe ngaddi dokke ɗuuɗɗe, haa aartuɗum ɓenndugo: Alkamaari e inaboojam kesam e nebbam e njumri e ƴaamle gese e zakka kuuje fuu.
Yehiyel e Azaziya e Nahat e Asa'el e Yerimot e Yozabat e Eliyel e Ismakiya e Mahat e Benaya laati aynooɓe dow ardaaŋgal Konaniya e deerɗum Sim'i. Ɗum fuu ɗum laati dow umroore laamiiɗo Hezekiya e Azariya, kaliifaajo haykaliiru Jawmiraawo.
Eden e Minyamin e Yeesu'a e Sema'ya e Amariya e Sekaniya mballiri mo bee hoolaare nder berniiji ɗi liman'en njooɗi. Ɓe cenndani banndiraaɓe maɓɓe Lewi'en dokke haa ndotti'en e haa sukaaɓe fodde geɓe muuɗum'en.
e liman'en ɓe inɗe muuɗum'en mbinndaama nder deftere asli fodde ci'e muuɗum'en e Lewi'en ɓe mari duuɓi noogas e ko ɓuri, ɓe inɗe maɓɓe mbinndaama fodde kuugal maɓɓe,
Ko o annini waɗugo ngam daliila kuugal haa haykaliiru Allah fuu malla ngam ɗowtanaago Allah nder tawreeta e umrooje mum, o waɗani ɗum Allah maako bee ɓernde woore, ɗum waɗi barka boo.