E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.
Nogolo chik, mi ji omuko kende-mag-liswa mag Baal, kaachiel gi kende miwang’oe ubani mane ochung’ e wigi. Nomuko sirni milamo kod kido mopa gi mothedhi, eka notoyogi molokogi buru, kendo nokiro burugo e liete joma nosetimonigi liswa.
Nomuko bende kende-mag-liswa kod sirni milamo, gi kido manono, mi otoyogi molokogi buru. Noketho kende duto miwang’oe ubani e piny Israel duto. Eka nodok Jerusalem.
Koro e higa mar apar gaboro mar lochne, kane osepwodho piny kod Hekalu, nooro Shafan wuod Azalia gi wuod Joahaz jagoro mondo olos Od Ruoth Nyasaye ma Nyasache.
Ne gidhi ir Hilkia jadolo maduong’, mi gimiye pesa mane osekel e Od Ruoth Nyasaye, ma jo-Lawi ma jorit dhoot nosechoko kuom jo-Manase gi jo-Efraim gi jo-Israel modong’ duto, gi jo-Juda gi jo-Benjamin duto, kendo kuom jo-Jerusalem.
Mi ne gitiyo tijno ka giketo chunygi. Jahath gi Obadia jo-Lawi ma joka Merari, gi Zekaria kod Meshulam ma joka Kohath, ema nobedo joritgi. Jo-Lawi duto mane olony kuom goyo thum
“Dhiuru upenj Ruoth Nyasaye wach ma kuoma, gi man kuom jo-Isarel gi jo-Juda modong’, kor wach weche manie kitabu mwaseyudoni. Nyaka bed ni Ruoth Nyasaye okecho kodwa malich, nikech kwerewa ne ok orito wachne, kata timo gik moko duto mondiki e kitabunii, bende ne ok gitimo.”
Omiyo Hilkia, gi jogo mane ruoth ooro, nodhi ir Hulda janabi madhako ma chi Shalum wuod Tikva, ma wuod Harhas, jarit lep lemo, mane odak Jerusalem e migawo mar ariyo. Ne giwuoyo kode kuom wachno,
Noyiki e liendi gi kue, kiluwo kwereni, ma kata wang’i ok none masira ma abiro kelo kuom dalani, kendo kuom joma odakie.’ ” Kane jootego odwoko ni ruoth wach,
Nodhi e Od Ruoth Nyasaye gi jo-Juda kod jo-Jerusalem duto, joma omew gi jochan machalre, kaachiel gi jodolo kod jo-Lawi, mi nosomonigi weche duto mane nie kitap singruok mane oyud e Od Ruoth Nyasaye.
Eka ruoth nodhi kar betne, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno.
Bang’e Josia nogolo gik makuero duto mane nie piny Israel, mi nomiyo ji duto modak e Israel otiyo ni Ruoth Nyasaye ma Nyasachgi. Ne ok giweyo luwo Ruoth Nyasaye ma Nyasach kweregi e ndalo Josia duto.